Unsang Adlawa sa Semana ang Adlaw nga Igpapahulay sa Biblia?

Ang Dios nagtakda ug adlaw sa pagsimba alang sa mga tawo nga mituo Kaniya.

“Hinumdomi ang Adlaw nga Igpapahulay ug ilha kini nga balaan.”Ex 20:8

Ang Adlaw nga Igpapahulay mao ang ilhanan tali sa Dios ug sa Iyang katawhan. Kini mao ang adlaw nga ang Dios naghimo sa Iyang katawhan nga balaan. (Eze 20:12)

Busa, ang katawhan sa Dios kinahanglan tumanon ang Adlawng Igpapahulay nga gitudlo sa Dios ingong adlaw sa pagsimba.

Ang Adlawng Igpapahulay mao ang adlaw natapos niya ang iyang pagpamuhat ug mipahulay siya gikan sa tanan niyang gibuhat. (Gen 2:⁠3)

Ang ikapitong adlaw nga Adlawng Igpapahulay mao ang handumanan nga adlaw sa gahom sa paglalang sa Dios.

Unya, unsang adlawa sa semana ang ikapitong adlaw?
Domingo: ang unang adlaw sa semana
Sabado: ang ikapitong adlaw sa semana

Girekord sa mga diksyonaryo ang ikapitong adlaw kay Sabado.

Kon motan-aw kita og kalendaryo, ang ikapitong adlaw nga Igpapahulay mao ang Sabado.

Ang Biblia nag-ingon nga si Jesus nabanhaw sa unang adlaw sa semana. (Mk 16:9)

Sa samang bersikulo, ang Good News Bible nag-ingon nga si Jesus nabanhaw sa Domingo. (Mk 16:9)

Bersyon sa NIV: Unang adlaw sa semana = Bersyon sa TEV: Domingo

Unya, unsang adlawa sa semana ang Adlawng Igpapahulay? Ang Adlawng Igpapahulay mao ang Sabado.

Ang mga libro sa Katoliko nagpamatuod usab nga ang Adlawng Igpapahulay sa Sabado, ang adlaw nga wala gayod namo gibalaan.” James Cardinal Gibbons, The Faith of Our Fathers

“Ang pulong nga Adlawng Igpapahulay nagpasabot pahulay, ug mao ang Sabado ang ikapitong adlaw sa semana.” Rev. John A. O'Brien, The Faith of Millions

Si Jesus usab, nagsimba sa Adlawng Igpapahulay [Sabado].

“Si Jesus . . . sa adlaw nga Igpapahulay [Sabado] miadto siya sa sinagoga, sumala sa iyang naandan.” Lk 4:16

Human gibayaw si Jesus, si Apostol Pablo nagsimba usab sa Adlawng Igpapahulay [Sabado].

“Sumala sa iyang nabatasan, si Pablo miadto sa sinagoga, sulod sa tulo ka Adlawng Igpapahulay nakiglantugi siya didto sa mga tawo pinasikad sa Kasulatan . . .” Ac 17:2

Sama nga si Jesus ug ang Iyang mga tinun-an nagtuman sa Adlaw nga Igpapahulay [Sabado], ang katawhan sa Dios kinahanglang tumanon ang Adlawng Igpapahulay [Sabado] nga gipili sa Dios. Ang World Mission Society Church of God nagtuman sa ikapitong Adlaw nga Igpapahulay nga gipili sa Dios.