Ang Regalo nga Makapahimuot sa Dios

Unsaon Nato Pagbayad sa Grasya sa Dios nga Nagpasaylo sa mga Sala sa Katawhan Pinaagi sa Sakripisyo sa Krus?

Ang mga butang nga makapahimuot sa Dios narekord
sa mga libro sa Lucas, Hebreo, Jeremias, ug Panultihon.
Sila mao ang makasasala nga naghinulsol, sinsero nga
pagtuo, pagpasigarbo mahitungod sa Dios, ug kadtong
nagahimo butang nga walay ikasaway. Gitudloan kita
sa Dios nga kining tanan mahimong matuman pinaagi
sa buluhaton sa pagsangyaw nga nagdala sa daghang
mga tawo ngadto sa kaluwasan.

Ang mga Miyembro sa Church of God Nagbuhat
sa mga Butang nga Gikahimut-an sa Langitnong mga Ginikanan

Ang mga anak dinhi sa yuta naghatag sa ilang mga ginikanan
ug mga regalo nga makapahimuot sa ilang mga ginikanan
sa tibuok nilang kasingkasing. Sa samang paagi,
ang langitnong mga anak mobuhat sa unsay labing
makapahimuot sa Langitnong Amahan nga si Kristo
Ahnsahnghong ug sa Dios Inahan. Sama sa gisugo ni Jesus
2,000 ka tuig na ang milabay, ilang gihalad ang ilang
mga kasingkasing sa pagpangita sa nawala nga langitnong
mga miyembro sa pamilya.

Kaniadto dulom ang inyong kinabuhi apan karon may
kahayag na sukad nga kamo nahimong katawhan sa Dios.
Busa kinahanglan nga magkinabuhi kamo ingon nga
mga tawo nga iya sa kahayag. Kay ang bunga sa
kahayag mao ang kaayo, katarong ug kamatuoran.
Paningkamoti nga makat-onan ninyo ang makapahimuot sa Ginoo.
Mga Taga-Efeso 5:8–10

Buot sa Dios nga maluwas ang tanang tawo
ug mahibalo sa kamatuoran.
1 Timoteo 2:4