पिता आन साङ होङज्यू दोस्रो पल्ट आउनुभएका ख्रीष्ट, परमेश्वर हुनुहुन्छ १

[अदनको बगैँचाबाट हामीलाई जीवनको फल (निस्तार-चाड) दिनुहुने व्यक्ति नै परमेश्वर हुनुहुन्छ]

परमेश्वरले अदनको बगैँचामा राख्नुभएको असल र खराबको ज्ञान दिने रूखको फल र जीवनको रूखको फलचाहिँ
परमेश्वरले मानव-जातिलाई स्वर्ग-राज्यको बारेमा शिक्षा दिनको निम्ति सृजनुभएको छाया हो ।

केवल परमेश्वरले दिन सक्नुहुने अदनको बगैँचाको त्यो जीवनको फल अर्थात् नयाँ करार निस्तार-चाड २,०००वर्षअघि हामीलाई येशूज्यूले दिनुभयो र यो युगमा हामीलाई नयाँ करार निस्तार-चाड दिनुहुने व्यक्ति नै
आन साङ होङज्यू हुनुहुन्छ । तसर्थ आन साङ होङज्यू नै परमेश्वर हुनुहुन्छ ।

[परमेश्वरको मण्डलीले किन आन साङ होङज्यूलाई परमेश्वरको रूपमा विश्वास गर्छ ?]

साँचो ख्रीष्ट अनिवार्य बाइबलको सम्पूर्ण गवाहीअनुसार प्रकट हुनुपर्छ । सुरुको मण्डलीका सन्तहरूले गएको प्रत्येक ठाँवैपिच्छे येशू नै ख्रीष्ट हुनुहुन्छ भनेर गवाही दिएजस्तै, यो युगमा पनि हामीले नयाँ करार निस्तार-चाड लिएर आउनुभएका पिता आन साङ होङज्यू दोस्रो पल्ट आउनुभएका ख्रीष्ट हुनुहुन्छ भनेर गवाही दिनुपर्छ ।

मेरो देह खाने र मेरो रगत पिउनेसित अनन्त जीवन छ, र अन्त्यको दिनमा म त्यसलाई जीवित पार्नेछु । किनभने मेरो देह साँच्चै खानेकुरो हो, र मेरो रगत साँच्चै पिउने कुरो हो । ... त्यसै गरी मलाई खाने पनि मेरो कारणले जिउनेछ ।
यूहन्ना ६:५४-५७

अनि जब बेला भयो, तब उहाँ प्रेरितहरूसँग भोजन गर्न बस्नुभयो । उहाँले तिनीहरूलाई भन्नुभयो, “मैले दुःख भोग्न अघि नै यो निस्तार-चाडको भोजन तिमीहरूसँग खाने ठूलो इच्छा गरेको थिएँ,”
लूका २२:१४-१५