මා ඔවුන්ව ගළවාගන්නේ කෙසේද?

දෙවියන්වහන්සේ විසින් හැකියාවට වඩා කීකරුකම වඩාත් වැදගත් ලෙස සිතන්නේ ඇයි?

ඉශ්‍රායලයේ ගෝත්‍ර දොළොස අතරින් දුර්වලතම ගෝත්‍රයට අයත් තම පවුගේ බාලතමයා වූයේ ගිඩියොන්ය. එහෙත් දෙවියන්වහන්සේගේ වචනයට කීකරුවීමෙන් සොල්දාදුවන් 300දෙනෙකුගෙන් පමණක් ඔහුට 135,000ක් පරාජය කරගැනීමට හැකි විය. මෝසෙස් හා යෝෂුවාද දෙවියන්වහන්සේගේ වචනයට කීකරුවීමෙන් අමලෙක්වරුන්ට එරෙහිව තිබූ සටනින් ජයගත්තෝය. ඒ හා සමානව, අදත් සෑම තත්වයකම ඇති ජය පැමිණෙන්නේ දෙවියන්වහන්සේගේ උපකාරය විශ්වාස කිරීමෙන් හා උන්වහන්සේට කීකරුවීමෙන්ය.

ක්‍රිස්තුස් අන්සංහොංවහන්සේ හා මව් දෙවියන්වහන්සේ අපට උගන්වන ආශීර්වාද ලැබීමේ රහස

‘සුළු තැනැත්තා බලවත් ජාතියක්ද වන්නේය’ ලෙස යෙසායා අනාවැකි කළ ආකාරයට මේ පොළොවේ සියල්ල දෙවියන්වහන්සේගේ සැලැස්මට අනුව සිදුවන බව විශ්වාස කරන දෙවියන්වහන්සේගේ වචනයට කීකරු වන තැනැත්තන් සුළු දෙයක් ලෙස පෙනෙන දේදීත් ආශීර්වාද ලබන්නෝය.

ඔහු උන්වහන්සේට කථාකොට: ... බැලුව මැනව, මාගේ පවුල මනස්සේහි ඉතා දිළිඳු පවුලය, මමද මාගේ පියාගේ ගෙයි ඉතාම කුඩා තැනැත්තා වෙමියි කීවේය. ස්වාමීන්වහන්සේද: සැබවින් මම නුඹ සමග සිටින්නෙමි, නුඹ එක්කෙනෙකුට මෙන් මිදියන්වරුන්ට පහරදෙන්නෙහියයි ඔහුට කීසේක.
විනිශ්චයකාරයන්ගේ පොත 6:15-16

නුඹේ සෙනඟ සියල්ලෝම ධර්මිෂ්ඨව, මා විසින් සිටෙවූ පැළයක්ව, මාගේ අත්වල කර්මාන්තයව සිට මා ගෞරව ලබන පිණිස සදාකාලේටම පොළොව භුක්ති විඳින්නෝය. කුඩා තැනැත්තා දහසක්ද සුළු තැනැත්තා බලවත් ජාතියක්ද වන්නේය. ස්වාමීවූ මම ඒකේ නියම කලට ඒක ඉක්මන් කරන්නෙමි.
යෙසායා 60:21-22