Ang Adlaw sa Pagpapas sa Sala ug ang Misteryo sa Labing Balaan nga Dapit

Ang Misteryo sa Dios sa Paghatag sa Katawhan sa Kabilin sa Gingharian sa Langit nga Anaa sa Biblia

Sa Talmud, adunay istorya mahitungod sa usa ka anak nga
nakaamgo sa sekreto nga anaa sa kabubut-on sa iyang
ug nakapanunod sa kabtangan sa iyang amahan. Aron
ang katawhan makapanunod sa mahimayaong gingharian
sa langit, kinahanglang masabtan nila ang mga pulong
ni Kristo Ahnsahnghong ug sa Dios Inahan, nga anaa sa
66 ka basahon sa Biblia.

Gitukod ni Moses ang Yutaong nga Sanctuaryo Sumala sa Sumbanan sa Langitnong Templo. Unsa ang Realidad sa Labing Balaang Dapit sa Panahon sa Bag-ong Kasabotan?

Ang pangulong pari lamang ang makasulod sa Labing
Balaang Dapit, ug usa lamang ka adlaw sulod sa tuig.
Kini nga adlaw mao ang Adlaw sa Pagpapas sa sala. Sa
dihang si Jesus namatay, ang tabil sa santwaryo nagisi
ug ang dalan paingon sa Labing Balaang Dapit naabli.
Sukad karon, kinahanglang ipasa sa katawhan ang sala
sa kamatayon nga ilang nahimo sa langit ngadto kang
Satanas, nga girepresentar sa Asasel. Ug aron sa pagbuhat
sa walay katapusan nga pagpapas sa sala, kinahanglan
sila nga moduol sa Dios nga Inahan, nga mao
ang kamatuoran sa Labing Balaang Dapit.

Unya si Jesus misinggit pag-usab ug namatay. Unya
ang tabil sa Templo nagisi gikan sa taas ngadto sa ubos...
Mateo 27:50–51

Wala akoy nakitang templo didto sa siyudad kay
ang Ginoong Dios nga Labing Gamhanan ug ang Nating
Karnero mao man ang templo.
Gipadayag 21:22