Ngi la kynduh ia Ka Blei Ka Kmie

[KA Bynta 1]
Hynrei, ha college, Nga la sdang ban kylli
la ka jingpynsan jong nga lane ka jingngeit niam jong nga ka dei shisha
lane la ki long tang ki dustur bad ki rukom.
Kumta katba Nga dang wad ia ki jubab,
Nga la shah khot sngewbha ban pule Baibl na ki dkhot jong ka Balang U Blei.
Bad ha ka por pule Baibl, Nga la sngewphylla shisha
ia kaei kaba ki la pyni ia nga hapoh jong ka Baibl.
Kumta Nga la lah iohi shisha ba kaei kaba ka Balang U Blei ka hikai ka long kat kum ka hukum, bad kane ka dei shisha ka jingshisha.

[KA Bynta 2]
Na kine kiei kiei baroh kaba Nga la pule ha ka Balang U Blei, Nga la lah ban ong ka jingshai tam bad kaba pynktah ia nga
ka dei kaba pule shaphang Ka Blei Ka Kmie.
bad ki la pyni iakata lyngba ka Baibl, Nga la lyngngoh bad phylla shisha. Bad kata ka long ka jingshai namar ngi ju leit sha ïingmane bad ngeit ha U Blei U Kpa, hynrei hangne ka dei ka Baibl kaba phla shaphang Ka Kmie Bahabneng jong ngi, Ka Blei Ka Kmie. Bad haba Nga pule shaphang ka Jerusalem Bathymmai, ka Nongleit kurim, bad ka tnga jong u khun langbrot dei Ka Kmie Bahabneng jong ngi,
Nga la lyngngoh ban pule ruh ba Ka la phla naduh ka jingsdang jong ka Kitab Jenesis, haba U Blei U ong, “To ngin iathaw ia u briew ha ka dur jong ngi katba kum ka jingsyriem jong ngi hi.” Kumta hangne phi don. Phi don Ka Blei Ka Kmie ba la phla na ka kitab banyngkong Jenesis haduh ka kitab bakhadduh Ka Jingpynpaw.
Bad Nga la wan ban sngewthuh ba ka jingphla ia Ka Blei Ka Kmie ka dei naduh kaba sdang jong ka Baibl.
Ka la dap ha baroh kawei ka jingthoh.

[KA Bynta 3]
Ban ngeit ha Ka Blei Ka Kmie ia nga ka long kaba suk haba Nga pule ia ka Baibl,
hynrei, ka long kaba eh khyndiat ban ngeit ba Ka Blei Ka Kmie Ka la wan ha ka jinglong doh.
Bad Nga pyrkhat ka lynti ba Nga la lah ban sngewthuh ka long ba da kaba phai biang ia kaei ba la jia ar hajar snem mynshuwa bad U Jisu.
Bad lyngba kata, Nga la lah ban sngewthuh ba khnangba ia nga ban pdiang ia Ka Kmie Bahabneng Kaba la wan ha ka jinglong doh, Ngam dei ban wan ne ngeit ha Ka Blei Ka Kmie da ki jingmut bakhim jong nga, ki jingsngewthuh, lane da ki jingtharai jong nga.
Bad Nga donkam ban peit bad ngeit ha Ka Kmie Bahabneng tang na ki jingiathuhlypa jong ka Baibl.

[KA Bynta 4]
Lada don uno uba shem jingeh ban pdiang ia Ka Blei Ka Kmie, Ngan ong ia ki ban sdang snewthuh ia Ka Blei Ka Kmie da kaba peit sha ka jingthaw sawdong jong ki.
Kiei kiei baroh ba la thaw ha kane ka Pyrthei la thaw da ka mon U Blei.
Ka Jingim ka wan na ka kmie, kata ka dei ka hukum U Blei bym lah kylla jong ka mariang ba U hi U la pynwandur.
Bad ka daw iakata ka long ba U Blei U la kwah ban pyni ia ngi ba ym don tang U Kpa hynrei don Ka Kmie Kaba ai ia ngi ka jingim bymjukut.

[KA Bynta 5]
Shuwa ba Nga wan sha ka Balang U Blei, Nga la ju khuslai shaphang la Nga leh ia ki jingthmu badei ha ka jingim, bad lada Nga lah ban im bha ne em ia ka jingim jong nga kaba tang shisien.
Kumta, hadien ba la pdiang ia ka jingshisha bad nang ia ki hukum U Blei, Ha kaba kut Nga la sngew shlur bad kmen bad ha ka jingsuk ba Nga lah ban kohnguh ia U Blei bad im ka jingim bahok kum u khun jong U Blei bad leit sha Bneng.
Lada don uba thmu ban wan sha ka Balang U Blei, Ngan ong shu wan haba phi ioh ka lad ban pule ia ka Baibl.