ຄົ້ນຫາສິ່ງທີ່ບັນພະບຸລຸດໄດ້ຮຽນຮູ້

ພະພອນ ແລະ ຄວາມສໍາຄັນຂອງປັດສະຄາ ທີ່ບັນພະບຸລຸດແຫ່ງຄວາມເຊື່ອ ແລະ ບັນພະບຸລຸດຂອງພວກເຂົາ ໄດ້ຮຽນຮູ້ໃນຊ່ວງຊີວິດຂອງພວກເຂົາ

ພະເຈົ້າ​ໄດ້ຊົງ​ປົດ​ປ່ອຍ​ໂມເຊ ​ແລະ ​ຊາວ​ອິດສະລາເອນ​ອອກຈາກ​​ເອຢິບ ດ້ວຍລິດອຳນາດ​ຂອງ​ປັດສະຄາ. ຊາວ​ອິດສະລາເອນ​ບໍ່​ໄດ້​ປະຕິບັດຕາມປັດສະຄາ ​ເປັນ​ເວລາ 38 ປີ, ແຕ່​ພວກເຂົາ​​ໄດ້ປະຕິບັດຕາມປັດສະຄາ ຢ່າງ​ຖືກຕ້ອງ​ກ່ອນ​ເຂົ້າ​ໄປ​ໃນ​ດິນແດນ​ການາອານ. ໂດຍຜ່ານປັດສະຄາແຫ່ງຄໍາໝັ້ນສັນຍາໃໝ່ນັ້ນ, ພະເຢຊູ ໄດ້ຊົງສະເດັດມາ ແລະ ປະທານຊີວິດນິລັນແກ່ມະນຸດຊາດດ້ວຍພະອົງເອງ. ໂດຍຜ່ານ​ສິ່ງ​ເຫຼົ່າ​ນີ້ ເຮົາ​ເຫັນ​ໄດ້​ວ່າ ​ ປັດສະຄາ​ ເປັນ​ພະບັນຍັດທີ່​ສຳຄັນ​ ເຊິ່ງມະນຸດ​ທັງ​ປວງ​ຕ້ອງ​ຮຽນ​ຮູ້​ຈາກ​ບັນພະບຸລຸດ​ຂອງ​ພວກເຂົາ​.

ປັດສະຄາ ແມ່ນເທດສະການທີ່ເຮັດໃຫ້ພວກເຮົາເປັນບັນດາລູກແຫ່ງອານາຈັກສະຫວັນ ທີ່ເອີ້ນພະເຈົ້າວ່າ “ພະບິດາ ແລະ ພະມານດາ”

ໃນປັດຈຸບັນ, ພະຄິດອັນຊັງໂຮງ ໄດ້ຊົງສັ່ງສອນກ່ຽວກັບປັດສະຄາແຫ່ງຄໍາໝັ້ນສັນຍາໃໝ່ແກ່ພວກເຮົາອີກຄັ້ງ ເຊິ່ງບໍ່ໄດ້ປະຕິບັດຕາມເປັນເວລາ 1,600 ປີ ແລະ ພາຍໃຕ້ການນໍາພາຂອງພະເຈົ້າພະມານດານັ້ນ ຜູ້ເຊື່ອຖືຂອງຄິດສະຕະຈັກຂອງພະເຈົ້າ ໃນທັງທົ່ວໂລກໄດ້ປະຕິບັດຕາມຢ່າງສັກສຸດ. ນີ້​ເປັນ​ຍ້ອນ​ພະພອນ​ ທີ່​ໜ້າ​ອັດ​ສະ​ຈັນ​ຂອງ​ການ​ເປັນ​ລູກ​ຂອງ​ພະ​ເຈົ້າ​ ທີ່ບັນຈຸ​ຢູ່​ໃນ​ປັດສະຄາ.

ແຕ່ບັັດນີ້ຈົ່ງຫັນມາພີ້ ແລະ ສູ້ຄະດີກັນເບິ່ງ ສູ້ຄະດີກັບພະເຈົ້າອົງຊົງລິດອໍານາດກຽງໄກ; ຖ້າເຈົ້າສັດຊື່ແທ້ ແລະ ເປັນຄົນບໍລິ ສຸດແລ້ວ ພະເຈົ້າກໍຈະມາຊ່ວຍຊູເຈົ້າໄວ້ ທັງຈະປົວແປງເຈົ້າກັບຄອບຄົວຂຶ້ນໃໝ່ ພະອົງຈະໃຫ້ບໍາເໜັດແກ່ເຈົ້າເຊັ່ນກັນ. ຊັບສິນຂອງເຈົ້າກໍບໍ່ທໍ່ໃດດອກຈາກທີ່ໄດ້ເສຍໄປ ເມື່ອທຽບໃສ່ກັບທີ່ພະອົງຈະໃຫ້ເຈົ້າເທື່ອໃໝ່. (ຂໍທ່ານຈົ່ງຖາມຄົນຮຸ່ນກ່ອນ ແລະ ຄົ້ນຫາສິ່ງທີ່ບັນພະບຸລຸດຂອງພວກເຂົາໄດ້ຮຽນຮູ້, NIV)
ໂຢບ 8:5-8

ພວກສາວົກໄດ້ມາຫາພະເຢຊູ ແລະ ຖາມພະອົງວ່າ “ທ່ານຢາກໃຫ້ພວກຜູ້ຂ້າຈັດແຈງອາຫານປັດສະຄາສໍາລັບທ່ານຢູ່ທີ່ໃດ?” ... ພະເຢຊູກໍຈັບເອົາເຂົ້າຈີ່ຂຶ້ນມາ... “ຈົ່ງຮັບເອົາກິນເຖີດ ນີ້ແຫຼະແມ່ນກາຍຂອງເຮົາ... “ພວກທ່ານທຸກຄົນ ຈົ່ງດື່ມເຖີດ ນີ້ແຫຼະແມ່ນເລືອດຂອງເຮົາ ເຊິ່ງຫຼັ່ງໄຫຼອອກສໍາລັບຄົນເປັນອັນມາກ ເພື່ອການບາບຈະໄດ້ຮັບອະໄພ. ພະເຈົ້າປະທັບຕາຄໍາໝັ້ນສັນຍາຂອງພະອົງດ້ວຍເລືອດນີ້.
ມັດທາຍ 26:17-28