आन साङ होङज्यू परमेश्वर दोस्रो आगमनका ख्रीष्ट हुनुहुन्छ ६ (हाम्रो पाप-क्षमा गरिदिनुभएकोले आन साङ होङज्यू परमेश्वर हुनुहुन्छ)

[परमेश्वरले मानव-जातिसँग स्थापना गर्नुभएको पाप-क्षमाको एक मात्र प्रतिज्ञा(करार) निस्तार-चाड हो]

मानव-जातिले स्वर्गमा जघन्य पाप गरेकाले तिनीहरू यस पृथ्वीमा धपाइए । तसर्थ तिनीहरूले यस पृथ्वीमा जतिसुकै धार्मिक जीवन बिताए तापनि तिनीहरूले स्वर्गमा गरेका पापहरूको क्षमा नपाउञ्जेल तिनीहरू स्वर्ग-राज्यमा प्रवेश गर्न सक्दैनन् । येशूज्यूले २,००० वर्षअघि पाप-क्षमाको प्रतिज्ञा भएको नयाँ करार निस्तार-चाड स्थापना गर्नुभयो । अनि हिजोआज यो प्रतिज्ञा पूरा भइरहेको मण्डली ‘परमेश्वरको मण्डली विश्व सुसमाचार समाज’ मात्र हो ।

[आन साङ होङज्यू नै मानव-जातिको पाप-क्षमा गरिदिनुभएका परमेश्वर हुनुहुन्छ भनेर कसरी पुष्टि गर्न सकिन्छ ?]

परमेश्वरले दानिएल अगमवक्ताद्वारा अगमवाणी गर्नुभए जसरी नै, शैतानले निकेयाको सम्मेलनमा नयाँ करार निस्तार-चाड हटायो, र मानव-जातिले पाप-क्षमा पाउन सक्ने बाटो पूर्णतया बन्द गऱ्यो । यसरी मानव-जातिको निम्ति नयाँ करार निस्तार-चाड पुनर्स्थापना गरिदिनुभएका व्यक्ति नै आन साङ होङज्यू हुनुहुन्छ ।

उहाँको अपार अनुग्रहअनुसार ख्रीष्‍टको रगतद्वारा हामी उहाँमा उद्धार, हाम्रा पापको क्षमा, पाउँछौं, एफिसी १:७

चेलाहरूले येशूकहाँ आएर भने, “तपाईंको निम्‍ति निस्‍तार-चाड़को भोज खाने प्रबन्‍ध हामी कहाँ गरौं ?”... “तिमीहरू सबैले यसबाट पिओ । किनभने यो नयाँ करारको मेरो रगत हो, जो धेरैका निम्‍ति पापको प्रायश्‍चितको लागि बगाइन्‍छ ।” मत्ती २६:१७-२८