Kaitorni Mothani Adongrok Phola Kwtharni Molni Páithak Jora Mera Bwsani Tẃithermungo Him Lai-o.
Swmai Kwchamni laibuma’-o nuk ma hai no, kók khnaya rok chuknoha-o habwi man glak, abo wng kha Kanan ha.
O laibumani bising tẃi, Habugra Jedekia puila-o bwswk se kόk khna nai tongmani phiya ba ulo kόk khna ya wngwi tháng mani, tei Habugra Sol kisa kόk khna-o tei kisa kόk khna ya wngmani, tei swkangni simino kόk khna ya wngnairokno chwng nugwi manno. O bororok mwthangjagwi man ya, phiya ba Mera Bwsa tháng thani-ono kόk khnaui himnairok khe mwthangjak nai.
Bororok Kaitorni Kόkno Khna Nani Nangmani Sόi Wngmung Tamo?
Mera Bwsa wngwi phainai Khristo Ahnsahnghong, Kaitorni kόkno khna nai bororok chuknoha-o thángnai hwnwi Baibel tẃi phunuk kha. “Jephuru norok Ama Kaitorni phrwngmungrokno sόi khe tẃi súk khe, norok uansugwi man ya abo hai kwbángma samung kaham wngnai,” hwnwi saui, Bό bororokni thani Bini phrwngmung rwui klang kha.
“Tini ang norokno bebak dagimano norok saktharwi abórokno bebakno tẃiwi tong di, hakhe Subraiyung Kaitor norokni chuchusongno…. norokno koinene khlai rwna bagwi phiya norokni bwkhano saui manna bagwi bo omo hai khlai kha.
Uainwini Sa Phima 8:1-2
“Bórok aro habwi ani thani bathak phai glak,” hwnwi swmai tangwi samani abo saboni kókno samani? Bini kena ari wngwi bachanairokno’-no samani. Hakhe chwng nugo poito khlai li yani bagwi bórok aro habwi man li ya.
Hibru 3:18-19
- আগের তারিখ
- 2022. 09. 02
- সহানুভূতি
- 1
