Kung Gibati ang Kahigawad

Si Haring Saul nga mao ang unang hari sa Israel.
Gitudlo sa Dios si Saul ingong hari sa dihang giisip niya ang iyang kaugalingon nga gamay.
Apan, nagbasol ang Dios sa pagtudlo kang Saul nga hari sa dihang nakita sa Dios nga wala niya tumana sa hingpit ang mga pulong sa Dios.

Sukwahi kang Haring Saul, gidayeg sa Dios si David nga hingpit nga nagsalig sa Dios ug gisunod ang iyang pulong sa tukma pinaagi sa pag-ingon nga siya usa ka tawo nga uyon sa iyang kaugalingon nga kasingkasing.
Samtang ang katawhan sa Dios midayeg usab kang David, si Haring Saul misugod sa pagbati og kahigawad, nagselos ug nasina kang David ug misulay sa pagpatay kaniya.

Ingong resulta, si Haring Saul gibiyaan sa Dios ug nakaagom ug miserableng kataposan.
Pinaagi sa kasaysayan ni Haring Saul, atong masusi ang atong kaugalingon nga naglakaw sa dalan sa pagtuo.

Kita ba usahay mobati og kahigawad ngadto sa atong mga kaigsoonan nga naglakaw sa dalan sa hugot nga pagtuo uban kanato?

Atong susihon ang atong kaugalingon aron masuta kon aduna ba kita sa hunahuna nga kita mas maayo kay kanila sa dihang kita nahigawad sa usa ka igsoong lalaki o babaye.