U Khrist Ahnsahnghong Uba La Wan Ha Kaba Arsien

Ki Sakhi Ba U Khrist Ahnsahnghong U Dei U Dabid Bakynja Mynsiem, U Khrist Bawan Arsien Ba La Iathuhlypa ha ka Baibl

Haba U Apostol Ioannis u iohi ia ka jinglong basniew bok ha kaba u bynriew baroh un leit sha dujok, u la iam. Hynrei, uwei na ki tymmen basan u la ong ha u, “Ha ka lawei, U Thied U Dabid un plied ka Baibl kaba la pyndait laha bad un pynim ia u bynriew.” Uta uba la shim baptis ha ka rta ba 30, katba kum ka jingim U Dabid, uba la pyndep ia ki 37 snem ba dang sah, uba la pynpaw ia ka jutang bathymmai bad ki jingmaian jong ka Baibl kiba la pyndait laha, kynthup ka jingshisha jong Ka Kmie Bahabneng jong ngi, u dei U Khrist Ahnsahnghong.

Kaei Ka Jingthmu U Blei Ba La Pynpaw ha ka Balang U Blei, Ha Kaba Ki Jaid Bynriew Baroh Ki Iatuid?

Naba ki jingmaian jong ka Baibl lah ban plied tang da U Dabid, u bynriew u dei ban iashem ia U Dabid. U Khrist Ahnsahnghong, uba la wan kum U Dabid, u la hikai ia u bynriew shaphang ka hima ki bneng babymjukut, ha ka jaka jong kiei kiei jong kane ka jingim batang shipor. Kumjuh ruh, U la hikai ia ka jingdon jong Ka Blei Ka Kmie, Ka Im bakynja mynsiem, kaba la buhrieh hapoh ka jingthmu U Blei. Namar kata, ki jaid bynriew baroh ki iatuid sha ka Balang U Blei ha kaba Ka Blei Ka Kmie ka shong.

Nga te nga la iam shibun, naba ym shym la shem iano iano ruh uba bit ban plied ia kata ka kitab, lymne wat ban khmih ha ka. Te uwei na kita ki tymmen basan u ong ha nga, “To wat iam; ha khmih, uta U Sing uba long na ka jaid Juda, U Thied U Dabid, u la jop ban plied ia kata ka kitab, bad ban loit ia kita ki hynniew ki jingpyndait jong ka.”
Ka Jingpynpaw 5:4–5

Te kumba la buh ha ki briew ban iap tang shisien, bad hadien kane ka wan ka jingbishar; kumta U Khrist ruh, haba la knia ainguh tang shisien ia u ia kaban bah noh ia ki pop jong kiba bun, un mih paw ha kaba arsien, khlem bah ka pop, ha kita kiba khmih lynti ia u, ia ka jingpynim.
Sha Ki Hebru 9:27–28