ຮັບພະພອນ ດ້ວຍຄໍາເວົ້າ ແລະ ຮັບສາບແຊ່ງ ດ້ວຍຄໍາເວົ້າ

[ລີ້ນເປັນອະໄວຍະວະສ່ວນນ້ອຍໆ ແຕ່ພວກເຮົາຕ້ອງລະມັດລະວັງ
ເພາະມັນສາມາດເຮັດໃຫ້ຜູ້ຄົນທັງໝົດເສື່ອມຊາມໄດ້]

ໂດຍກ່າວວ່າ “ມະນຸດຈະເກັບກ່ຽວສິ່ງທີ່ຕົນຫວ່ານລົງ”, ພະເຈົ້າໄດ້ຊົງສັ່ງສອນພວກເຮົາວ່າ ພະພອນຈະກັບຄືນມາສູ່ພວກເຮົາ ພຽງແຕ່ເມື່ອພວກເຮົາກ່າວພະຄໍາແຫ່ງພະພອນເທົ່ານັ້ນ.

[ສະມາຊິກຄິດສະຕະຈັກຂອງພະເຈົ້າຫວ່່ານເມັດພືດແຫ່ງພະພອນ ດ້ວຍຄໍາເວົ້າທີ່ງົດງາມ]

ພະອັນຊັງໂຮງໄດ້ຊົງສ້າງຕັ້ງຄິດສະຕະຈັກຂອງພະເຈົ້າ ດ້ວຍພະໂລຫິດທີ່ລໍ້າຄ່າເທິງໄມ້ກາງແຂນ. ດັ່ງນັ້ນ ສະມາຊິກສີໂອນຕ້ອງຖວາຍສະຫງ່າລາສີແດ່ພະເຈົ້າ ແລະ ຫວ່ານເມັດພືດແຫ່ງພະພອນໃນຜູ້ຄົນອ້ອມຂ້າງພວກເຂົາ ດ້ວຍຄໍາເວົ້າທີ່ງົດງາມ.

“ຄົນດີຍ່ອມເອົາສິ່ງດີອອກມາຈາກຄັງແຫ່ງສິ່ງທີ່ດີຂອງຕົນ, ຄົນຊົ່ວຍ່ອມເອົາສິ່ງຊົ່ວອອກມາຈາກຄັງແຫ່ງສິ່ງທີ່ຊົ່ວຂອງຕົນ. ເຮົາບອກພວກທ່ານວ່າ ໃນມື້ແຫ່ງການພິພາກສາ ທຸກໆຄົນຈະຕ້ອງໃຫ້ການຕໍ່ຄໍາເວົ້າ ອັນໄຮ້ປະໂຫຍດທຸກໆຄໍາຂອງຕົນ. ເພາະຄໍາເວົ້າຂອງທ່ານຈະຖືກນໍາມາໃຊ້ ເພື່ອຕັດສິນທ່ານເອງ ຄືປະກາດວ່າ ທ່ານເປັນຜູ້ບໍ່ຜິດ ຫຼື ຜູ້ຜິດ”.
[ມັດທາຍ 12:35–37]