ခရစ်တော်သည် ဘုန်းတော်နှင့်တကွ ကြွလာမည်ဟု ကြိုတင်ဟောကြားထားသောကြောင့် လူ့ဇာတိဖြင့် ကြွလာမည်မဟုတ်ပါ ဟုအခိုင်အမာပြောဆိုခြင်းသည် မှားယွင်းပါသည်။

[ခရစ်တော်ကို လက်ခံသော သန့်ရှင်းသူတို့သည် လူ့ဇာတိအားဖြင့်ကြွလာသော ဘုရားသခင်၏ဘုန်းတော်ကို အသိအမှတ်ပြုနိုင်ပါသည်။]

အရင်ရှိပြီးသား အသင်းတော်တွေက “လူ​သား​သည် ကြီး​စွာ​သော ဘုန်း​တန်​ခိုး​အာ​နု​ဘော်​ကို ဆောင်​လျက်၊ မိုး​တိမ်​ကို​စီး၍ ကြွ​လာ​တော်​မူ​သည်​ကို မြင်​ရ​ကြ​လိမ့်​မည်။ (မ ၂၄:၃၀)”ဆိုတဲ့ ကျမ်းပိုဒ်ကိုသုံးပြီး ကျမ်းစာထဲမှာ ဘုန်းတော်ကိုဆောင်ပြီး ကြွလာမယ်လို့ပြောထားတဲ့အတွက် ဒုတိယအကြိမ်ကြွလာတဲ့ခရစ်တော်က လူ့ဇာတိနဲ့လာမှာမဟုတ်ဘူးလို့ အခိုင်အမာပြောဆိုနေကြပါတယ်။ ဒါပေမဲ့ ယေရှုခရစ်တော်ဟာ လူရဲ့အမြင်မှာ ဘုန်းကြီးတယ်လို့ နည်းနည်းမှ မထင်နိုင်တဲ့ လူ့ဇာတိနဲ့ မွေးဖွားလာခြင်းအားဖြင့် “ထာ​ဝ​ရ​ဘု​ရား၏ ဘုန်း​တော်​ပေါ်​ထွန်း၍၊ (ဟေရှာ ၄၀:၅)”ဆိုတဲ့ ပရောဖက်ဟေရှာယရဲ့ ကြိုတင်ဟောစကားကို အောင်မြင်ခဲ့ပါတယ်။ ဒါကြောင့် သူတို့ရဲ့ပြောဆိုမှုက မှားယွင်းတယ်ဆိုတာကို ကျွန်တော်တို့ နားလည်နိုင်ပါတယ်။

ခရစ်တော်ကို လက်ခံပြီး ကယ်တင်ခြင်းခံရတဲ့သူတွေကပဲ ကျွန်တော်တို့နဲ့တူညီတဲ့ သာမန်လူ့ဇာတိအဖြစ် ကြွလာတဲ့ ဒုတိယအကြိမ်ကြွလာတဲ့ခရစ်တော်ရဲ့ဘုန်းတော်ကို အသိအမှတ်ပြုနိုင်ပါတယ်။

နှုတ်​က​ပတ်​တော်​သည်​လည်း လူ​ဇာ​တိ​အ​ဖြစ်​ကို​ခံ​ယူ၍၊ ကျေး​ဇူး​တော်​နှင့်​လည်း​ကောင်း၊ သ​စ္စာ​တော်​နှင့်​လည်း​ကောင်း ပြည့်​စုံ​လျက် ငါ​တို့​တွင် တည်​နေ​တော်​မူ​သည်​ဖြစ်၍၊ ခ​မည်း​တော်၌ တစ်​ပါး​တည်း​သော​သား​တော်၏ ဘုန်း​ကဲ့​သို့ သူ၏​ဘုန်း​တော်​ကို ငါ​တို့​သည် မြင်​ရ​ကြ​ပြီ။
ရှင်ယောဟန်ခရစ်ဝင် ၁:၁၄