Musi bai Bororokno Sakhlaijakmani Kaitorni
Muchungmung, “Kaitorni Noktharno Tang di”
Musi uáinwi-o rwjakmani Dagimung Kaichino tẃiwi
ongkhorwi phaimani salno Kaitor Súchajakmani Sal
hwnwi chongwi rw kha, tei Kainok Ter wng kha a ter
jephuru Israilsarok Dangimung Kaichini holong
bwlapno tonnani bagwi nokthar tang lai mani.
3,500 bisi swkango nukmani hai, Kaitorni noktharno
tang thani-o bwlai nang kukmani bwkhak wng kha
manjaknani bagwi tiyar wngjak tei muchungjak bwkha
tongnani nango. Omo hai bororok nokthar tangnani
bagwi kwbángma manwirok yapharo.
Kaitorni Mothani Adongrok Wng kha Manwirok
Je Kaitor O Molo Jerusalem Noktharni bagwi Muchungjago
Tini, bebak swngchar Khristo Ahnsahnghong tei
Chuknohani Ama Jerusalemni aro kochok khlai
tháng laiwi tongo tamni hwn khe Kaitorni bororok
Jerusalem nokthar tangnani podrepot manwirok bai sulchajago.
Kaisa sasokjakmani tongo, Swmai Kwchamo Kaniok Terni
bagwi podrepot bedekrok thumjakmani hai khe, Kaitorni bororok
thansa khe podrepot dalni buphangrok hai Jerusalemo phainai.
[L]onnai khorok thwgwi Subraiyung tongma
nok snamna bagwi Subraiyungni thani
yapharmung yapharnani tubu lai kha.
Bórok panda kotoro nangmani tei ochaini
rí-chum snamnani bagwi thwgwino manwi
tubu lai kha.Chwla bwrwi khorok thwgwino
kháni muchung tẃi khe . . .
Lam Rwma 35:21-22
[N]orokbo chonghorrok bai diyarirok lumani
a nokthai-o snamwi tisajak kha, Khristo Jisu
sak baithang nok busuni holongthai. Bo se
nokno bebak kwcha rwui tonnai, phiya abono
Subraini thani nok kwthar snamwi tonnai.
Bo bai thansa wngwi norokbo tei bebak
bai baksa nok snamwi tisajago, aro
Kaitor bini Pholani bising tẃi tongo.
Epis 2:20-22
- আগের তারিখ
- 2024. 10. 16
- সহানুভূতি
- 4
