To Wat Sheptieng Me namar Nga Long Ryngkat bad Me

Ngi Donkam ka Jingngeit khnang ban Long hapoh ka Kam Baphylla jong ka Bor bad ka Bor Synshar U Blei

Haba U Blei u jied ia ki paidiapom U Gideon, U la kyntait ia kita kiba sheptieng. U ju banktien ia ki paidiapom U Joshua ban ym sheptieng. Lyngba kane, ngi lah ban iohi ba kata kaba kham kongsan ka long ban ngeit ha ka jingkular U Blei bad tur shaphrang da kaba shlur.

Ki Dkhot jong ka Balang U Blei ki Ialap Shitrhem ia ka Gospel bad ki Ngeit ia ka Jingkular U Blei ha ka Juk jong U Mynsiem Bakhuid

Kum ki khun Israel kibym ngeit ia ka jingkular U Blei, ki wallam ka jingbna basniew, bad ki khñium shaphang ka ri Kanaan, lada ngi artatien namar ngi sheptieng ia ki briew bad ia ka jinglong mariang, ngin ym lah ban ioh rung sha ka hima ki bneng, ka Kanaan bakynja mynsiem. Haba ngi ialap shitrhem ia ka gospel jong ka hima ki bneng, da kaba ngeit ha ka jingkular kaba U Khrist Ahnsahnghong bad Ka Blei Ka Kmie ki la ai ban kyrkhu ia ngi, ka kam phylla jong ka gospel kaban pynkyndit ia ka pyrthei kan jia.

“Wat ai ba kane ka kitab ka hukum kan jah noh na ka shyntur jong me, hynrei men iaipyrkhat ia ka synñia sngi, khnang ba men ioh sumar ban leh katba kum ia baroh ba la thoh ha ka: naba kumta men roi ha la ka lynti, bad kumta men man bha. Hato ngam shym la hukum ia me? To long uba khlain bad uba shlur bha; wat tieng, lymne wat kyiuh: namar U Trai U Blei jong me u don ryngkat bad me kat sha kaba me leit.”
U Joshua 1:8–9