Ka Jingkhawai Niam Ki Ïingtrep & ka Jingtei ia ka Templ

Ka Jingkhawai Niam Ki Ïingtrep Ka Sdang da ka Jingtei ia ka Tabernakl ban Buh ia Ki Shiphew Hukum Baar ha ka Testament Barim

U Blei u la hukum ia U Moses ban tei ia ka tabernakl ba kin ioh buh ia Ki Shiphew Hukum baar ha ka. Haba ki briew ki la sngewthuh ia la ka pop kaba la pynlong ban pynkhein noh ia Ki Shiphew Hukum banyngkong, ki la kylla kaba mut bad da la ka mon sngewbha ki la wallam ia ki tiar na ka bynta ka templ. Kane ka la long ka tynrai jong Ka Jingkhawai Niam ki Ïingtrep. Hadien kata, ki la shna ia ki ïingtrep ha ka phyllaw ka templ lane halor ka paki ka templ da kaba pyndonkam baroh ki jait tnat dieng.

Kaei Ka Mishon Ngi dei Ban Leh ha Kane ka Ïa jong Ka Jingkhawai Niam Ki Ïingtrep?

Ka Jingkhawai Niam ki Ïingtrep ka dei ka sngi haba U Khrist Ahnsahnghong bad Ka Blei Ka Kmie ki lum lang ia ki briew jong Ki baroh. U bynriew u dei ban ainguh ia U Blei uba la map ia ki bad pynim ia ki na ki pop jong ki, bad lyngba U Mynsiem Bakhuid jong u slap bakhadduh uba ki la ioh, ki dei ban wad ia baroh ki dkhot longïing bahabneng na ka pyrthei baroh kawei kiba long ki tiar na ka bynta ban tei ia ka Jerusalem Templ bahabneng.

Namar kata, kumne u ong U Trai, U Blei ki paid, “. . . ngan pynlong ia ki ktien jong nga ka ding ha ka shyntur jong me, bad ki dieng ia une u paidbah, bad kan bam duh ia ki.”
U Jeremaiah 5:14

. . . ha u ka jingtei baroh kawei pa kawei, ba la pyniadait bha, ka nang san ia kaban long ka ïing blei kaba khuid ha U Trai: ha u ia phi ruh la tei lem ban long ka jaka shong U Blei ha U Mynsiem.
Sha Ki Nong Ephesos 2:21–22