ထာဝရအသက်၏ ကောင်းချီး၊ ပသခါပွဲ

[ဘုရားသခင် ဤမြေကြီးတွင် ခွင့်ပြုပေးတော်မူသော အကြီးမားဆုံးကောင်းချီးသည် ပသခါပွဲထဲတွင် ရှိပါသည်။]

ဣသရေလလူမျိုးတွေက ကျွန်ခံရာ အဲဂုတ္တုပြည်ကနေ လွတ်မြောက်တဲ့အချိန်၊ ကတိတော်ရဲ့မြေဖြစ်တဲ့ ခါနာန်ပြည်ကို ဝင်ရောက်တော့မယ့်အချိန်၊ ပြီးတော့ ရုပ်တုကိုးကွယ်တဲ့ ယောရှိမင်းကြီးနဲ့ ဟေဇကိမင်းကြီးတို့က ဘုရားသခင်ဆီ တစ်ဖန်ပြန်လာတဲ့အချိန်နဲ့ သုံ့ပန်းဘဝကနေ လွတ်မြောက်ခဲ့တဲ့ခေတ်မှာလည်း ပသခါပွဲက အဓိကနေရာမှာ ရှိခဲ့သလိုမျိုး ဒီနေ့ခေတ်မှာလည်း ပသခါပွဲအားဖြင့် ဘုရားသခင်ရဲ့ကယ်တင်ခြင်းသမိုင်းက ဖြန့်ကျက်နေပါတယ်။

[ယေရှုခရစ်တော်က လူသားများထံ ချန်ထားတော်မူသော အဖိုးတန်သောအမွေ ‘ပသခါပွဲ’ကို စောင့်ရှောက်သော ဘုရားသခင်၏အသင်းတော်]

လွန်ခဲ့တဲ့နှစ်ပေါင်း (၂,၀၀၀)တုန်းက၊ ယေရှုခရစ်တော်ဟာ တပည့်တော်တွေနဲ့အတူ စောင့်ဖို့ အရမ်းအလိုရှိခဲ့တဲ့ ပဋိညာဉ်တရားသစ်ပသခါပွဲဟာ ဘာသာရေးနဲ့ နိုင်ငံရေး ပေါင်းစပ်မှုကြောင့် အေဒီ (၃၂၅)မှာ ဖျက်သိမ်းခံခဲ့ရပြီး၊ အမှောင်ထဲမှာ ပျောက်ကွယ်သွားခဲ့ပါတယ်။ ဒါပေမဲ့၊ ကြိုတင်ဟောထားတဲ့အတိုင်း ခရစ်တော်အန်ဆန်ဟုန်းက ပြန်ကြွလာပြီး ပသခါပွဲအားဖြင့် ကယ်တင်ခြင်းသမိုင်းကို စတင်တော်မူခဲ့ပါတယ်။

အ​ချိန်​ရောက်​မှ တ​မန်​တော်​တစ်​ကျိပ်​နှစ်​ပါး​တို့​နှင့်​အ​တူ စား​ပွဲ၌ လျောင်း​တော်​မူ၍၊ ငါ​သည် အ​သေ​မ​ခံ​မီ ဤ​ပ​သ​ခါ​ပွဲ​ကို သင်​တို့​နှင့်​အ​တူ စား​ခြင်း​ငှာ အ​လွန်​အ​လို​ရှိ​လေ​ပြီ။
ရှင်လုကာခရစ်ဝင် ၂၂:၁၅

အ​ဇု​မ​ပွဲ​ပ​ထ​မ​နေ့၌ တ​ပည့်​တော်​တို့​သည် အ​ထံ​တော်​သို့​ချဉ်း​ကပ်၍၊ ကိုယ်​တော်​သည် ပ​သ​ခါ​ပွဲ​ကို စား​တော်​မူ​ဖို့​ရာ အ​ဘယ်​အ​ရပ်၌ အ​ကျွန်ုပ်​တို့​သည် ပြင်​ဆင်​စေ​ခြင်း​ငှာ အ​လို​ရှိ​တော်​မူ​သ​နည်း​ဟု မေး​လျှောက်​ကြ​သော်၊
ကိုယ်​တော်​က၊ မြို့​တွင် ဤ​မည်​သော​သူ၏​အိမ်​သို့ သွား​ကြ၊ ဆ​ရာ​မှာ​လိုက်​သည်​ကား၊ ငါ့​အ​ချိန်​နီး​ပြီ။ သင့်​အိမ်၌ ငါ့​တ​ပည့်​တို့​နှင့်​တ​ကွ ပ​သ​ခါ​ပွဲ​ကို ငါ​ခံ​မည်​ဟု ထို​သူ​ကို ပြော​ကြ​လော့​ဟု မိန့်​တော်​မူ၏။
ရှင်မဿဲခရစ်ဝင် ၂၆:၁၇-၁၈