Kutheni le nto uKrestu Ahnsahnghong enguKrestu Oze Okwesibini?

UThixo uSomandla, owadala ukukhanya waza wenza zonke izinto ngelizwi Lakhe, weza kulo mhlaba okwesibini. Ngo-1948 xa amasetyana omkhiwane [uSirayeli], owabuna iminyaka eli-1,900, wathamba waza amagqabi awo aphuma, uKristu weza eKoriya, waza waqalisa ukushumayela ivangeli. Umhlaba, owaprofetwa ngabaprofeti bakwaSirayeli njengendawo apho uKrestu wayeya kubuya kwakhona, yayiyeyona ndawo ikude eziphelweni zomhlaba empuma-eKoriya. UKristu wakhetha ukubandezeleka ngenxa yosindiso lwethu. Nangona kunjalo, besifuna kuphela isonka somzimba wethu, kunokuba sifune isonka sobomi semiphefumlo yethu.

“UYesu wasinika umnqophiso wobomi: ‘Ukuba nidla inyama yam, nilisele igazi lam, ninobomi kuni.’ Akukho mmangaliso mkhulu kunalo.”

Isonka sobomi yinyama negazi likaKristu.
“‘Thabathani nidle; isonka sePasika ngumzimba wam.’”
Mat 26:26

kuba ligazi lam eli [Iwayini yePasika]
lomnqophiso omtsha,
eliphalala ngenxa yabaninzi,
ukuze kuxolelwe izono.
Mat 26:27-28

UKristu kwafuneka eze okwesibini nePasika yoMnqophiso oMtsha ukuze asisindise. Phambi kokuba uKristu abuyele eZulwini, wayenqwenela into enye kuphela: Kukuba wena ufumane usindiso. Ukuba uKristu wayengezanga kulo mhlaba, besingazuyazi ukuba uthando yintoni. Ukuba uKristu akazange abandezeleke, ngesingazange siyazi ukuba yintoni idini. Ukuba uKristu wahlala eZulwini kuphela, ngesingazange simlangazelele. Siyamthanda uKristu oweza okwesibini ukuza kusisindisa. Uyeva na? Uyamva uKristu enkqonkqoza kucango lwentliziyo yakho? UKristu uyakuthanda. Ufuna ukukunika ubomi obungunaphakade.