Langitnong Inahang Jerusalem

Sa Unsang Paagi Kita Mahimong “Mga Anak sa Saad” Nga Nakadawat ug Kinabuhing Walay Kataposan Gikan sa Dios?

Ang rason nga ang mga langaw mabuhi lamang ug usa ka adlaw, ang mga iro mabuhi ug 15 ka tuig, ug ang mga tawo mabuhi ug 100 ka tuig tungod kay ilang napanunod ang maong gitas-on sa kinabuhi gikan sa ilang inahan. Ang tanang katawhan mahimong “mga anak sa saad” nga makadawat sa kinabuhing walay kataposan gikan sa Dios kon atong mahimamat ang Dios Inahan nga adunay kinabuhing walay kataposan.

Ngano nga ang Church of God mituo kang Cristo Ahnsahnghong ug sa Dios nga Inahan?

Ang Biblia nagtudlo kanato mahitungod sa langitnong pamilya pinaagi sa kalibotanon nga sistema sa pamilya nga usa ka anino, ug mahitungod sa Langitnong Amahan ug Inahan pinaagi ni Adan ug Eva ug sa Nating Karnero ug sa Iyang Asawa (ang Pangasaw-onon). Ang Biblia nagtudlo usab nga ang Dios Inahan lamang, nga gipakasama sa Jerusalem, ang adunay kinabuhing walay kataposan.

Ug ang gisaad ni Cristo kanato mao ang kinabuhing dayon.
1 Juan 2:25

Unya gigamhan ako sa Espiritu ug gidala sa anghel ngadto sa tumoy sa habog kaayong bukid ug gipakita kanako ang Jerusalem, ang Balaang Siyudad nga mikunsad gikan sa langit ug gikan sa Dios.
Gipadayag 21:10

Apan ang langitnong Jerusalem dili ulipon ug siya mao ang atong inahan . . . Karon, mga igsoon, sama kang Isaac, mga anak kita sa Dios tungod sa iyang saad.
Galatia 4:26-28