Ang Sekreto sa Langitnong Santwaryo ug Jerusalem

Ang Kabubut-on sa Dios sa Pagtukod sa Santwaryo Aron Pagtuman sa Napulo ka Sugo sa Kasaulogan sa mga Balongbalong

Ang santwaryo ug ang tabil nga gitukod ni Moises ingong kopya sa langitnong santwaryo, nagrepresentar kang Jesu-Cristo, ug ang Labing Balaang Dapit nagrepresentar kay Langitnong Inahang Jerusalem.
Pinaagi sa santwaryo, gitugotan kita sa Dios nga maamgohan ang Dios Amahan ug Dios Inahan.

Asa Kita Moadto Aron Madawat ang Tubig nga Naghatag sa Kinabuhi nga Midagayday Gikan sa Templo?

Ang mga propeta nagpamatuod nga ang katawhan makadawat og kinabuhi pinaagi sa tubig nga naghatag sa kinabuhi nga midagayday gikan sa templo.
Mga 2,000 ka tuig ang milabay, si Jesus, nga mao ang templo, misinggit sa Kataposang Adlaw sa Kasaulogan sa mga Balongbalong, sa pagdawat sa tubig nga naghatag sa kinabuhi, ug gipropesiya sa Biblia nga sa panahon sa Espiritu Santo, ang Espiritu ug ang Pangasaw-onon, nga mao ang reyalidad sa Balaang Dapit ug Labing Balaang Dapit, moanhi niining kalibotana ug mohatag og kaluwasan sa katawhan pinaagi sa tubig nga naghatag sa kinabuhi.

Sila miingon kaniya, “Kining Temploha gibuhat sa sulod sa 46 ka tuig unya tukoron mo kini pag-usab sulod lang sa tulo ka adlaw?” Apan ang templo nga gihisgotan ni Jesus mao ang iyang lawas.
John 2:20–21

Ang Espiritu ug ang Pangasaw-onon miingon, “Dali ngari!” Ug ang tanang nakadungog paingna usab, “Dali ngari!” Duol kamong giuhaw ug kadtong may gusto, inom sa walay bayad nga tubig nga naghatag sa kinabuhi.
Revelation 22:17