Ang Balaod sa Dios Giisip nga Langyaw nga Butang

Ang Rason nga Gitukod sa Dios ang mga Balaod, mga Regulasyon, ug mga Mando

Ang balaod sa Tanaman sa Eden, ang balaod sa daang kasabotan, ug ang balaod sa bag-ong kasabotan nga gitukod ni Jesus gitakda tanan sa Dios Elohim aron sa paghatag og hayag nga himaya ug kalipay sa katawhan sa umaabot. Karon, gitudloan kita sa Dios pinaagi sa daghang mga propeta, lakip ni propeta Daniel, nga ang pagbiya sa mga sugo ug balaod sa Dios giisip nga kalapasan, kadaotan, ug pagrebelyon.

Nganong ang Church of God Nagtuman sa Balaod sa Bag-ong Kasabotan Sama sa Adlawng Igpapahulay ug sa Pagsaylo?

Gikulit sa mga miyembro sa Church of God sa ilang mga kasingkasing ang mga pagtulon-an ni Cristo Ahnsahnghong ug sa Dios Inahan, nga nagtudlo kanila nga dili baliwalaon bisan ang labing gamay nga pagtulon-an sa Dios apan molihok sumala sa Biblia.
Tungod kay gitukod ni Jesus ang balaod sa bag-ong kasabotan, ug nagpakita pa gani og panig-ingnan pinaagi sa pagtuman niini, ilang gisaulog ang pito ka kasaulogan sa tulo ka panahon, lakip ang Adlawng Igpapahulay ug ang Pagsaylo.

“ ‘Mosulti siya batok sa Labing Halangdon . . . Maghunahuna siya sa pag-usab sa mga panahon ug sa balaod. . . .
Apan sumala sa pagbuot sa hukmanan, kuhaan kini ug gahom ug malaglag gayod kini ug mawala.
Ug ihatag ngadto sa mga pinili sa Labing Halangdon ang gingharian. Ang gahom sa mga gingharian ubos sa kalangitan mapanag-iya sa katawhang pinili sa Dios. Walay pagkatapos ang ilang gingharian . . .’ “
Daniel 7:25–27

“Bisan pag linibo ka balaod ang akong sulaton alang kanila, dili gihapon sila magpakabana niini.”
Hosea 8:12