ថ្ងៃនៃការជំនុំជំរះ និង ថ្ងៃនៃសេចក្តីសង្គ្រោះ

"ថ្ងៃនៃសេចក្តីសង្គ្រោះ និងថ្ងៃនៃការជំនុំជំរះ" អាស្រ័យលើថា
ស្តាប់តាម និងធ្វើតាមព្រះបន្ទូលព្រះ យ៉ាងដូចម្តេច។

ព្រះប្រទានពេលវេលានៃការប្រែចិត្តពីអំពើបាបដែលបានធ្វើនៅស្ថានសួគ៌ដល់
មនុស្សជាតិទាំងអស់ ហើយក៏ ប្រទានឱកាសដែលអាចជឿព្រះអាន់សាំងហុង
និងព្រះមាតាដែលបានយាងមកក្នុងសាច់ឈាម ហើយទទួលសង្គ្រោះដែរ។
ក្រោយនោះមក ព្រះនឹងសរុបគ្រប់ទាំងការប្រព្រឹត្តរបស់មនុស្សម្នាក់ៗ
រួចបែងចែក "អ្នកទៅស្ថានសួគ៌ និងអ្នកដែលទទួលជំនុំជំរះ"។

ស្តង់ដានៃសេចក្តីជំនឿរបស់សមាជិកពួកជំនុំនៃព្រះគឺ "ចូរធ្វើកិច្ចការដែលព្រះសព្វព្រះហឫទ័យ"

ក្នុងចំណោមអ្នកដែល​ទទួលជំនុំជំរះ មានតួអង្គដូចជាយូដាស-អ៊ីស្ការីយ៉ុត
ដែលបានលក់ព្រះយេស៊ូវដោយធ្វើការវិនិច្ឆ័យខុស មានហោរាក្លែងក្លាយ
ដូចជាបាឡាម ដែលបានល្បួងរាស្ត្រព្រះឱ្យគោរពរូបព្រះដោយល្បិចកល
ដ៏អាក្រក់ ហើយមានអ្នកដែលបានលុបបំបាត់សេចក្តីពិតរបស់ព្រះ ទៅរក្សា
ថ្ងៃរបស់អាទិទេពព្រះអាទិត្យ ដូចជាការថ្វាយបង្គំថ្ងៃអាទិត្យ និងគ្រីស្ទម៉ាស
ដូចដែលស្តេចអ័ហាប់ និងយេសិបិលបានដណ្ដើមយកចំការទំពាំងបាយជូរ
របស់ណាបោត។

មើល គឺ​វា​រាល់​គ្នា​ហើយ​ដែល​បាន​នាំ​ឲ្យ​ពួក​កូន​ចៅ​អ៊ីស្រាអែល​ប្រព្រឹត្ត​រំលង ទាស់​នឹង​ព្រះយេហូវ៉ា ពី​ដំណើរ​ពេអរ ដោយសារ​សេចក្តី​ទូន្មាន​របស់​បាឡាម ហើយ​យ៉ាង​នោះ ក៏​មាន​សេចក្តី​វេទនា​កើត​ឡើង​ក្នុង​ពួក​ជំនុំ​នៃ​ព្រះយេហូវ៉ា 
[ជនគណនា ៣១:១៦]

ប៉ុន្តែ អញ​ប្រកាន់​សេចក្តី​ខ្លះ​នេះ​នឹង​ឯង ពី​ព្រោះ​នៅ​ទី​នោះ ឯង​មាន​អ្នក​ខ្លះ ដែល​កាន់​តាម​សេចក្តី​បង្រៀន​របស់​បាឡាម ជា​អ្នក​ដែល​បង្រៀន​ឲ្យ​បាឡាក​ដាក់​អន្ទាក់ នៅ​មុខ​ពួក​ជនជាតិ​អ៊ីស្រាអែល ដើម្បី​នឹង​នាំ​ឲ្យ​គេ​បរិភោគ​ដង្វាយ ដែល​ថ្វាយ​ទៅ​រូប​ព្រះ ហើយ​ឲ្យ​ប្រព្រឹត្ត​សេចក្តី​កំផិត​ផង 
[វិវរណៈ២:១៤]