Buj Thumani Sal tei Mwthangjakmani Sal

Abo Mwthangjakmungni Sal Da Wngno eba Buj Thumjakmani Sal Da Wngno, Abo Chwng Kaitorni Kόkno Khnamani Yagulo Tamo Khlai, Abono Se Naijaknai

Kaitor joto bororokno-no bόrok Chuknoha-o sumsok khlaimano yakar nani jora rw kha, aboni logi logi borok wngwi phainai Khristo Ahnsahnghong tei Ama Kaitorno poito khlai nani jorabo rw kha. Aboni yagulo, bebak bororokni samung khlai mani hai kheno, Chuknoha-o thángnai bororok tei buj thumjaknai bororokno Kaitor swkhak nai.

KaitorniMothani Adongrokni Poitoni Yaphang:
“Phaidi Chwng Kaitor Hamjakmano Khlai Lai Anw.”

Buj thumjaknairokni bere, Jisuno chaya buj bai phalnai Judas Iskariot hai bororok tongo, tei Kaitorni bororokno chaya kόkbiti rwui takjak mwtairokno khulum rwnai Balam hai phatra diyarirokbo tongo, tei katswi Nabotni angur barino na nai Habugra Ahab tei Jesebel hai, Kaitorni kubuino sokomornai tei Kόktisalni panda tei Khristmasrokni bising tẃi sal mwtaino khulumnai bororokbo tongo.

Nai di, o bwrwirok’-no Balamni kók khnaui
Peoro Israil bororokno Subraiyung bai swkak bai kha,
hakhe Israil bororokni saka-o Subraiyungni bok sók phai-o.
Lekhamung 31:16

Hai phano ang nono kisa hwnna tongo:
nini aroni baksa Balam phrwngma tẃi tongnai tongo,
a Balam Israilrokno takjak mwtaini thani barokmano chá rwui,
buitali-buitala wng rwui sumsogo khiklai di hwnwi Balakno phrwngo.
Phunukjakmani 2:14