ພະບັນຍັດມື້ພະ ແລະ ການນະມັດສະການໃນວັນອາທິດ

[ລະຫວ່າງການນະມັດສະການວັນອາທິດ ແລະ ການນະມັດສະການມື້ພະ (ວັນເສົາ), ການນະມັດສະການໃດທີ່ສາມາດນໍາພາພວກເຮົາໄປສູ່ສະຫວັນໄດ້?]

ເໝືອນດັ່ງຜູ້ພິພາກສາຕັດສິນໂຈດ ແລະ ຈໍາເລີຍວ່າ ຖືກ ຫຼື ຜິດ ໃນການພິຈາລະນາຄະດີຝ່າຍໂລກນີ້, ເມື່ອມື້ພິພາກສາມາເຖິງແຜ່ນດິນໂລກ, ພະເຈົ້າ ຜູ້ຊົງເປັນຜູ້ພິພາກສາໃນສະຫວັນ ຈະຊົງພະພາກສາວ່າ ຜູ້ຄົນຈະໄປສະຫວັນ ຫຼື ນະຮົກ ຕາມການກະທໍາຂອງແຕ່ລະຄົນ ຕາມພະຄໍາໃນພະຄໍາພີ.

[ຄິດສະຕະຈັກຂອງພະເຈົ້າປະຕິບັດຕາມພະບັນຍັດທີ່ວ່າ: “ຈົ່ງຖືມື້ພະ ແລະ ຍຶດຖືໄວ້ເປັນມື້ສັກສິດ”]

ພະເຈົ້າຊົງກ່າວວ່າ ບັນດາຜູ້ທີ່ເວົ້າວ່າ “ຕົນເຊື່ອໃນພະເຈົ້າ” ແຕ່ບໍ່ໄດ້ເຊື່ອຟັງບັນດາຂໍ້ຄໍາສັ່ງຕ່າງໆ ຈະຖືກລົງໂທດໃນນະຮົກ ໃນຖານະຄົນຂີ້ຕົວະຝ່າຍຈິດວິນຍານ.
ໃນສະໄໝນີ້, ພະເຈົ້າຊົງປະທານຄວາມພົ້ນໃຫ້ແກ່ບັນດາລູກແຫ່ງສະຫວັນ ຜູ້ທີ່ຄົງຢູ່ໃນຄວາມຈິງແຫ່ງຄໍາໝັ້ນ
ສັນຍາໃໝ່ ຕາມຄໍາສັ່ງສອນຕ່າງໆຂອງພະຄິດອັນຊັງໂຮງ ແລະ ພະເຈົ້າພະມານດາ, ໂດຍຖືມື້ພະ ແລະ ຍຶດຖືໄວ້ເປັນມື້ສັກສິດ.

“ບໍ່ແມ່ນວ່າ ທຸກຄົນທີ່ເອີ້ນເຮົາວ່າ ‘ນາຍເຈົ້າຂ້າ ນາຍເຈົ້າຂ້າ’
ຈະເຂົ້າໄປໃນອານາຈັກຂອງພະເຈົ້າ ເຂົ້າໄດ້ແຕ່ຜູ້ທີ່ປະຕິບັດຕາມພະບິດາຂອງເຮົາ
ຜູ້ສະຖິດຢູ່ໃນສະຫວັນ ຕ້ອງການໃຫ້ເຂົາປະຕິບັດຕາມເທົ່ານັ້ນ.”
[ມັດທາຍ 7:21]

“ຖ້າພວກເຮົາເຊື່ອຟັງຂໍ້ຄໍາສັ່ງຂອງພະອົງ ພວກເຮົາກໍຮູ້ແນ່ວ່າ ພວກເຮົາຮູ້ພະອົງ.
ຖ້າຄົນໃດເວົ້າວ່າ ຕົນຮູ້ພະອົງ ແຕ່ບໍ່ເຊື່ອຟັງຂໍ້ຄໍາສັ່ງຂອງພະອົງ
ຄົນນັ້ນກໍເວົ້າຕົວະ ແລະ ບໍ່ມີຄວາມຈິງໃນລາວ.”
[1 ໂຢຮັນ 2:3-4]