Chwng Bahai Khe Bwsakni Thwimungni Yagulo Kaitorni Buj Thummungni Yakni Phiyókjagwi Mannai?
Joto bororokno chuknoha-o bórokno thwimungo tẃithernai a kotorma sumsok khlaimani jarwi o swngcharo khiklawi rohorjak kha. Aboni bagwino, chwng je phuru phano chwng wng kha sumsok gwnangrok hwnwi muitu khlaiwi, kungchukmano katinani nangnai, o hamya-sitra swngchar tong tẃi khe tongnani bagwi gosiya wngnani nangnai, tei bahan bwthẃini thwimungni yagulo phaimani a buj thumjakmani yakni mwthangjakna tẃi khe khá kiphilmungni langma-o khe tongwi tongnani nangnai.
Kaitorni Mothani Adongrok Bororokno Kaitorni Thani Tẃithernani Bagwi Bórokni Sakno Yapharo
Kubui khe khá kiphilnairokbo haino buirokno khá kiphilmungo tẃithernani bagwi bórokni kháno yapharo. Solomon buj khlaima-o sói buma bai taltal bumano bórokni samungrokni bising tẃi khe punukjakmani hai kheno, mwthangjakmungo tẃithernai abo hai khá kiphilmungo sogwijakrokbo haino bórokni kháno bórokni samungrokni bising tẃino phunugo.
“Ang bórom gwnangrokno sumsok yakar di hwnwi sana phai ya, basijakrokno se ang sana phai-o.” Luk 5:32
“Hai ya! Ang norokno o kók sa-o, sumsok yakar ya khe norokbo bebak’-no abo hai’-no komornai.” Luk 13:5
- আগের তারিখ
- 2026 Sep 4
- সহানুভূতি
- 1
