Tungod kay ang Dios nakakita sa kasingkasing ug hunahuna sa mga tawo, walay bisan unsa nga matago gikan Kaniya. Ang tanan nga gibuhat sa usa ka tawo sa iyang kinabuhi ipadayag sa atubangan sa lingkoranan sa paghukom sa Dios, ug ang matag usa hukman sumala sa ilang mga binuhatan. Busa, ang Bibliya nag-ingon, “tahora gayod ninyo Siya sa tibuok ninyong kinabuhi.”
Sumala sa mga pagtulon-an ni Cristo Ahnsahnghong ug sa Dios Inahan, kinsa miingon, “Bisan unsa ang inyong gibuhat alang sa usa sa labing gagmay niini, gibuhat ninyo alang Kanako,” ang mga miyembro sa Church of God mapaubsanong nag-alagad sa usag usa ug nagpatuman sa gugma. Dugang pa, ilang gihimong leksyon ang kalaglagan nga nahitabo tungod sa pagbagulbol ug pagreklamo sa mga Israelita ug ang imoralidad ni Hofni ug Pinehas, ang mga anak sa pari, ug kanunay silang naningkamot nga magkinabuhi nga balaan diha sa pagtuo.
Ang kasulatan nag-ingon, “Pagbalaan kamo kay ako balaan man.” Kon gitawag ninyo nga Amahan ang Dios nga walay gipalabi sa iyang paghukom sa tanang mga tawo sumala sa ilang binuhatan, tahora gayod ninyo siya sa tibuok ninyong kinabuhi. 1 Peter 1:16–17
Human niining tanan, usa na lang ka butang ang angay kong isulti: Tahora ug kahadloki ang Dios ug tumana ang iyang mga sugo. Alang kini sa tanang tawo. Hukman sa Dios ang tanan tang buhat, bisan ang atong gibuhat sa tago, maayo man kini o daotan. Ecclesiastes 12:13–14
119 Bundang P.O.Box, Bundang-gu, Seongnam-si, Gyeonggi-do, Rep. of KOREA
Tel 031-738-5999 Fax 031-738-5998
Head Office: 50, Sunae-ro, Bundang-gu, Seongnam-si, Gyeonggi-do, Rep. of Korea
Main Church: 35, Pangyoyeok-ro, Bundang-gu, Seongnam-si, Gyeonggi-do, Rep. of Korea
ⓒ World Mission Society Church of God. All rights reserved. Privacy Policy