Me vaka ni raica na Kalou na lomadra kei na nodra vakasama na tamata, e sega ni dua na ka e rawa ni vunitaki Vua. Na veika kece e cakava e dua na tamata ena nona bula ena vakaraitaki ena mata ni idabedabe ni veilewai ni Kalou, ka na lewai na tamata yadua me vaka na nona cakacaka. O koya gona, e kaya kina na iVolatabu, "mo ni qai vakaitovotaki kemuni kina ena vakarokoroko vua na Kalou ena gauna taucoko ni nomuni bula e vuravura."
Me vaka na ivakavuvuli nei Karisito Ahnsahnghong kei na Kalou na Tinada, ka kaya, “Na ka kecega dou sa cakava vua e dua vei ira na lalai oqo, dou sa cakava vei Au,” era dau veiqaravi ena yalomalumalumu na lewe ni Lotu ni Kalou ka vakayacora na loloma. Kena ikuri, era taura me lesoni na veivakarusai a vakavuna na nodra vosakudrukudru ka didi na Isireli, kei na nodrau ivalavala vakasisila o Ofinai kei Finiasi, na luve i koya na bete, ka ra dau saga me ra bulataka na bula savasava ni vakabauta.
ni sa kaya na i Vola Tabu, “Mo ni yalosavasava, ni'u sa yalosavasava oi au.” Me vaka ni o ni sa masuta e dua na Tama sa dau lewa vakadodonu na cakacaka ni tamata yadua ka sega ni dau veitotaki, mo ni qai vakaitovotaki kemuni kina ena vakarokoroko vua na Kalou ena gauna taucoko ni nomuni bula e vuravura. 1 Pita 1:16–17
Ia sa rogoci na veika kece; Oqo na i tinitini ni veika kece sara: Mo rerevaka na Kalou ka muria na nona i vunau, Ni sai koya ga oqo na i naki levu e buli kina na tamata. Ni na lewa na Kalou na ka kecega eda cakava, Kei na ka vuni kecega, Se vinaka, se ca. Dauvunau 12:13–14
119 Bundang P.O.Box, Bundang-gu, Seongnam-si, Gyeonggi-do, Rep. of KOREA
Tel 031-738-5999 Fax 031-738-5998
Head Office: 50, Sunae-ro, Bundang-gu, Seongnam-si, Gyeonggi-do, Rep. of Korea
Main Church: 35, Pangyoyeok-ro, Bundang-gu, Seongnam-si, Gyeonggi-do, Rep. of Korea
ⓒ World Mission Society Church of God. All rights reserved. Privacy Policy