काँसाको सर्पको रहस्य

परमेश्वरको शक्तिद्वारा इस्राएलीहरू मिश्रको ४३० वर्षको दासत्वबाट छुटकारा पाएर कनान देशतर्फ प्रस्थान गरे । तर इस्राएलीहरूले उनीहरूलाई छुटकारा दिनुभएका परमेश्वरको अनुग्रहलाई बिर्सिए । “किन हामीलाई मिश्रबाट निकालेर यस उजाड-स्थानमा ल्याउनुभएको ?” गनगन गरेका मानिसहरू विषालु सर्पले डसेर मरे । (गन्ती २१:६)

परमप्रभुले मोशालाई भन्नुभयो, “तैंले विषालु सर्पको एउटा प्रतिमा बनाएर ... एउटा खामामा झुण्ड्या । ... त्यसलाई हेरेपछि तिनीहरू बाँच्नेछन् ।” (गन्ती २१:८) त्यसोभए के काँसाको सर्पले तिनीहरूलाई बचाएको थियो त ? होइन ! “सर्पले डसेकाहरूले त्यसलाई हेरेपछि बाँच्नेछन्” भन्नुभएका परमेश्वरको वचनले तिनीहरूलाई बचाएको थियो । तैपनि इस्राएलीहरूले काँसाको सर्पमा रहस्यमय शक्ति छ भन्ठानेर सयौँ वर्षसम्म काँसाको सर्पलाई पुजे ।

हिजकिया राजाले काँसाको सर्पलाई टुक्रा-टुक्रा पारेको समयमा परमेश्वरले तिनको प्रशंसा गर्नुभयो, अनि तिनले गरेका सबै कामहरूमा तिनलाई सफल बनाइदिनुभयो । (२ राजा १८:३-७) परमेश्वरले काँसाको सर्पलाई टुक्रा-टुक्रा पारेका हिजकियाको किन प्रशंसा गर्नुभएको होला ? किनभने मूर्तिपूजा गर्नेहरूले विनाश भोग्नेछन् । काँसाको सर्प पुजेको इतिहासचाहिँ मण्डलीहरूले क्रूस स्थापना गरेर विनाश भोग्ने विषयको अगमवाणी हो ।

“जसरी मोशाले उजाड-स्थानमा सर्पलाई उचाले, त्यसरी नै मानिसको पुत्र उचालिनुपर्छ ...”यूह ३:१४-१५

हामीलाई बचाउने क्रूस होइनकि येशूज्यू हुनुहुन्छ । (१ पत्र १:१८-१९) तर इस्राएलीहरूले काँसाको सर्पलाई पुजेजस्तै, वर्तमान समयमा मण्डलीहरूले क्रूसको श्रद्धा गरिरहेका छन् । काँसाको सर्पचाहिँ काँसाको टुक्राबाहेक केही नभएजस्तै, क्रूस पनि काठको टुक्रा मात्र हो (प्रे ५:३०) । क्रूस स्थापना गर्ने मण्डलीहरू श्रापित हुनेछन् । (व्य २७:१५)

“हे मेरा मानिस हो, त्यसबाट निस्केर आओ, नत्रता त्यसका पापहरूसँग तिमीहरू सहभागी हुनेछौ, र त्यसका विपत्तिहरू तिमीहरू भोग्नेछौ ... ।” प्रका १८:४

क्रूस स्थापना गर्ने मण्डलीहरूबाट चाँडै निस्केर आउनुहोस् । परमेश्वरको मण्डलीले, दोस्रो आगमनका ख्रीष्ट आन साङ होङज्यूको शिक्षालाई पछ्याउँदै, काँसाको सर्प पूजेको घटनाचाहिँ क्रूस पूज्ने विषयको अगमवाणी हो भनेर मानव-जातिलाई थाहा दिइरहेको छ ।यहाँहरू पवित्र आत्माको युगकी मुक्तिदाता हुनुभएकी माता परमेश्वर वास गर्नुहुने परमेश्वरको मण्डली अर्थात् सियोनमा आउनुभएर, निर्धारित अन्तिम विपत्तिबाट बचाइएर मुक्ति पाउनुहोस् भन्ने चाहन्छौं