Ditso le Bokao jwa Letsatsi la Thuanyo

Kereke ya Modimo ke Yone Fela Kereke e e Tshegetsane Letsatsi la Thuanyo, Moletlo wa Boitshwarelo jwa Dibe

Letsatsi la Thuanyo ke letsatsi le le kgolo le ka lone maleo otlhe a batho le baperesiti a itshwarelwang. Baiseraele ba ne ba lebala mautlwelobotlhoko a bo ba leofa ka go obamela modimo wa disetwa, podi ya gouta. Ke sone se Moshe a neng a thuba matlapa a ntlha a Melao a Lesome a a neng a filwe ke Modimo. Baiseraele ba ne ba ikotlhaela maleo a bone a bo Modimo A ba neela matlapa a bobedi a Melao e Lesome; letsatsi le e ne ya nna ditso tsa Letsatsi la Thuanyo

Keresete Ahnsahnghong le Modimo Mmatsho, Bommaaruri jwa Taberenakele le Setlhabelo sa Thuanyo

Mo Kgolaaganong e Kgologolo, maleo otlhe a Iseraele a ne a fetisetswa kwa taberenakeleng go fitlhelela Letsatsi la Thuanyo. Tsatsi leno, maleo otlhe a fetiseditswe kwa go Keresete Ahnshnhong le Modimo Mmaetsho, Ba e leng boammaaruri jwa taberenakele. Mme, ka Letsatsi la Thuanyo, maleo otlhe a rona a fetisetswa kwa go Saatane, yo e leng motlhodi wa dibe. Kwa pheletsong, Saatane o ya go atlholwa mo moleteng, ebong dihele, go tsweng foo, maleo otlhe a ya go nyelela.

Morena a ba a raya Moše a re: “Ka kgwedi ya bosupa eo e le 10 ke letsatsi la thuanyo; lo tshwanetse go kgobokanela kwa Felong-ga- Boitshepo ka lone, le go ikokobetsa, lo isetse Morena ditlhabelo tsa molelo.”
Lefitiko 23:26–27

E rile ka letsatsi le le latelang a bona Jesu a tla go ene a re: “Bonang, Kwana ya Modimo e e tlosang boleo jwa lefatshe!
Johane 1:29

Diabolo yo o ba timeditseng a latlhelwa mo letsheng la molelo le sebabole kwa sebata le moporofeti wa maaka ba leng teng; mme ba tla tlhokofadiwa bosigo le motshegare go ya bosakhutleng.
Tshenolo 20:10