Ang mga Magbubuhat sa Bag-ong Kasabotan sa Espiritu ug ang Pangasaw-onon

Ang Sekreto sa Pagkahimong mga Anak sa Langit, ang mga Magbubuhat sa Bag-ong Kasabotan nga Labing Nahimuot sa Dios

Depende kung unsa ang sulod niini, ang usa ka walay sulod nga botelya mahimo nga usa ka flower vase o usa ka botelya sa tubig.
Sama nga ang mga apostoles nahimong mga magbubuhat sa bag-ong kasabotan human makadawat sa Balaang Espiritu sa Adlaw sa Pentecostes 2,000 ka tuig na ang milabay, kita, usab, mahimong hingpit nga mga anak sa Dios kon anaa kanato ang Balaang Espiritu sa sulod nato.

Ang Talagsaong Buhat sa Ebanghelyo Mahitabo Kon Atong Madawat ang Balaang Espiritu sa Adlaw sa Pentecostes

Duha ka libo ka tuig ang milabay, human mamatay si Jesus sa krus, ang mga apostoles nangurog sa kahadlok, apan human makadawat sa Balaang Espiritu sa Adlaw sa Pentecostes, maisugon silang mipamatuod nga si Jesus mao ang Mesiyas.
Sama sa gibuhat sa mga apostoles, ang mga miyembro sa Church of God karon, nga nakadawat sa Balaang Espiritu sa ulahing ulan sa Adlaw sa Pentecostes, maisugon nga nagpamatuod nga si Cristo Ahnsahnghong ug ang Dios nga Inahan mianhi aron sa pagluwas sa katawhan.

Sa pag-abot na sa adlaw sa Pentecostes, ang tanang magtutuo nagtigom sa usa ka dapit.
Ug sa kalit may haguros gikan sa langit sama sa kusog nga huros sa hangin ug milukop kini sa
tibuok balay nga ilang gitigoman.
Silang tanan napuno sa Espiritu Santo ug misultig nagkalainlaing pinulongan sumala sa gipasulti kanila sa Espiritu.
Acts 2:1–4