Lynnong 2. Ba la Jied ha U Khrist Mynba Ym Pat Pynshong Nongrim ïa ka Pyrthei

Hangne ka don kawei pat ka jingkylli: Haba U Blei u buh ïa u dieng ka jingtip ïa ka babha bad ïa ka basniew ha ka kper Eden, hato U tip ne em ba u Adam un sa bam na u?

Ngim lah ban ong ba U Blei Uba Khrawbor Tam, uba la pynbna ïa ka bakut naduh ka basdang, um shym la tip ïa kata (Isa 46:10). Lada U Blei u la tip, U la thmu khnang ïa u Adam bad ka Im ba kin leh pop. Wat u bseiñ uba la pynshoi ïa ka Im la thaw da U Blei. Ka dei ka jingpynïaid bastad jong U Blei ba u Adam bad ka Im ki dei ban shah shukor ha u bseiñ bad ban bam na u dieng ka jingtip ïa ka babha bad ïa ka basniew (Jen 3:1–5).