ປັດສະຄາ ແມ່ນຫົນທາງກັບຄືນມາຫາພະເຈົ້າ

[ຫົນທາງດຽວທີ່ຈະກັບຄືນມາຫາພະເຈົ້າແມ່ນ ຄໍາໝັ້ນສັນຍາໃໝ່ ປັດສະຄາເທົ່ານັ້ນ]

ຖ້າພວກເຮົາກັບຄືນມາຫາພະເຈົ້າ ໂດຍຜ່ານຄໍາໝັ້ນສັນຍາໃໝ່ ປັດສະຄາ,
ພວກເຮົາກໍຈະໄດ້ຮັບອະໄພການບາບ ແລະ ຊີີວິດນິລັນ. ແຕ່ຖ້າຜູ້ໃດບໍ່ຢູ່ໃນຄໍາໝັ້ນສັນຍາຂອງພະເຈົ້າ, ພະເຈົ້າຈະຊົງໄປຈາກພວກເຂົາ; ໃນທີ່ສຸດ, ພວກເຂົາກໍຈະພົບກັບຈຸດຈົບທີ່ໜ້າສັງເວດ ເພາະວິນຍານຊົ່ວຮ້າຍ ເຂົ້າໄປໃນພວກເຂົາ ເໝືອນດັ່ງທີ່ພວກເຂົາໄດ້ເຮັດກັບກະສັດໂຊນ ແລະ ຢູດາ ອິດສະກາລີໂອດ.

[ຄິດສະຕະຈັກຂອງພະເຈົ້າ ປະຕິບັດຕາມການນະມັດສະການທີ່ຖືກຕ້ອງແດ່ພະເຈົ້າ ໂດຍຜ່ານປັດສະຄາ]

ເມື່ອກະສັດເຮເສກີຢາ ໄດ້ຊົງສົ່ງຜູ້ສົ່ງຂ່າວໄປປະກາດວ່າ “ຈົ່ງກັບຄືນມາຫາພະເຈົ້າ ດ້ວຍການປະຕິບັດຕາມປັດສະຄາ”, ປະຊາຊົນໃນອິດສະລາເອນເໜືອ ໄດ້ດູໝິ່ນພວກເຂົາ
ແລະ ເຍາະເຍີ້ຍພວກເຂົາ. ໃນທີ່ສຸດ, ປະຊາຊົນເຫຼົ່ານີ້ ກໍໄດ້ຖືກທໍາລາຍ. ບັນດາຜູ້ຄົນໃນປະຈຸບັນ ທີ່ໂຕ້ຕອບໃນຮູບແບບດຽວກັນນີ້ ຈະພົບກັບຈຸດຈົບຢ່າງດຽວກັນ ກັບປະຊາຊົນໃນອິດສະລາເອນເໜືອ.
ເຖິງແມ່ນວ່າ ມີຫຼາຍຄິດສະຕະຈັກໃນໂລກນີ້, ພຽງແຕ່ຄິດສະຕະຈັກທີ່ປະຕິບັດຕາມປັດສະຄາ ເຊິ່ງເປັນພະສັນຍາຂອງພະເຈົ້າເທົ່ານັ້ນ ຈະສາມາດເວົ້າໄດ້ວ່າ ໄດ້ກັບຄືນມາຫາພະເຈົ້າ ແລະ ໄດ້ຮັບພະພອນ ເຊິ່ງເປັນຄິິດສະຕະຈັກທີ່ພະເຈົ້າຊົງສະຖິດຢູ່ກັບພວກເຂົາ.

“ເຮເສກີຢາ ຊົງຮັບສັ່ງໄປເຖິງອິດສະລາເອນ ແລະ ຢູດາທັງປວງ ແລະ ຊົງຂຽນຈົດໝາຍເຖິງ ເອຟະລາອີມ ກັບ ມານາເຊ ດ້ວຍວ່າ ເຂົາທັງຫຼາຍຄວນຈະມາຍັງ ພະວິຫານຂອງພະເຈົ້າ ທີ່ເຢລູຊາເລັມ ເພື່ອຈະປະຕິບັດຕາມເທດສະການປັດສະຄາ...ຈົ່ງກັບມາຫາພະເຢໂຮວາ ພະເຈົ້າຂອງອັບລາຮາມ, ອີຊາກ ແລະ ອິດສະລາເອນ.” [TH1971, 2 ຂ່າວຄາວ 30:1-6]