အလင်းနှင့် မှောင်မိုက်

[အလင်းအဖြစ်ကြွလာတော်မူသော ဘုရားသခင် ခရစ်တော်အန်ဆန်ဟုန်းနှင့် အမေဘုရားသခင်ကို လက်ခံရရှိသောသူတို့၏ ဝိသေသလက္ခဏာများသည် အဘယ်နည်း။]

မမြင်ရတဲ့ အချိန်ရဲ့စီးဆင်းမှုကို မြင်ရဖို့အတွက် နာရီကို ပြုလုပ်ခဲ့သလိုမျိုး မမြင်ရတဲ့ ဝိညာဏကမ္ဘာမှာ ကောင်းကင်နဲ့ ငရဲနဲ့ပတ်သက်ပြီး တရားစီရင်ခြင်းကို ကျမ်းစာအားဖြင့် မြင်နိုင်ပါတယ်။ အလင်းအဖြစ် ကြွလာတော်မူတဲ့ ယေရှုခရစ်တော်ဟာ မေလခိဇေဒက်ရဲ့အရိုက်အရာကို လိုက်ပြီး ကြွလာတဲ့အတွက် သူ့နောက်ကိုလိုက်တဲ့ သားသမီးတွေ တစ်နည်းအားဖြင့် ဘုရားသခင်၏အသင်းတော် သန့်ရှင်းသူတွေလည်း ပဋိညာဉ်တရားသစ် ပသခါပွဲကို စောင့်ရှောက်ပြီး သူရဲ့သင်ကြားမှုကို လိုက်နာပါတယ်။

[မည်သူတို့သည် ကယ်တင်ခြင်းခံရမည့် အလင်း၏သားသမီးများဖြစ်ပြီး မည်သူတို့သည် တရားစီရင်ခြင်းခံရမည့် မှောင်မိုက်၏သားသမီးများဖြစ်သနည်း။]

လွန်ခဲ့တဲ့နှစ်ပေါင်း (၂,၀၀၀) တုန်းက လူ့ဇာတိနဲ့ကြွလာတော်မူတဲ့ ယေရှုခရစ်တော်ကို ကယ်တင်ရှင်အဖြစ် ယုံကြည်တဲ့သူနဲ့ မယုံကြည်တဲ့သူအဖြစ်၊ သန့်ရှင်းသောဝိညာဉ်တော်ခေတ်မှာတော့ ဝိညာဉ်တော်နဲ့ မင်္ဂလာဆောင်သတို့သမီးအဖြစ် ကြွလာတော်မူတဲ့ ခရစ်တော်အန်ဆန်ဟုန်းနဲ့ အမေဘုရားသခင်ကို ယုံကြည်တဲ့သူနဲ့ မယုံကြည်တဲ့သူတွေအဖြစ် ဘုရားသခင်ရဲ့ တရားစီရင်ခြင်းကို ဆုံးဖြတ်ပြီးသားဖြစ်တယ်လို့ ကျမ်းစာက ပြောနေပါတယ်။

အ​ပြစ်​စီ​ရင်​ခြင်း​ကို ခံ​ရ​ကြောင်း​ကား၊ အ​လင်း​သည် ဤ​လော​က​သို့​ဝင်၍၊ လူ​တို့​သည် မ​ကောင်း​သော​အ​ကျင့်​ကို ကျင့်​သော​ကြောင့်၊ အ​လင်း​ထက် မှောင်​မိုက်​ကို သာ၍​နှစ်​သက်​ကြ၏။ ဆိုး​ယုတ်​သော​အ​ကျင့်​ကို ကျင့်​သော​သူ​အ​ပေါင်း​တို့​သည် အ​လင်း​ကို​မြင်​ပြင်း၍ မိ​မိ​တို့​အ​ကျင့်၌ အ​ပြစ်​ပါ​သည်​ကို​မ​ထင်​ရှား​စေ​ခြင်း​ငှာ အ​လင်း​သို့ မ​ချဉ်း​ကပ်​ကြ။ သ​မ္မာ​တ​ရား​ကို ကျင့်​သော​သူ​မူ​ကား၊ မိ​မိ​အ​ကျင့်​တို့​သည် ဘု​ရား​သ​ခင်၏​အ​လို​တော်​နှင့် ညီ​သည်​ကို ထင်​ရှား​စေ​ခြင်း​ငှာ အ​လင်း​သို့​ချဉ်း​ကပ်​သည်​ဟု ဟော​တော်​မူ၏။
ရှင်ယောဟန်ခရစ်ဝင် ၃:၁၉–၂၁

ထို​နှုတ်​က​ပတ်​တော်​ထံ၌ ငါ​တို့​သည်​ကြား​ရ၍၊ သင်​တို့​အား ပြ​သ​သော တ​ရား​စ​ကား​ဟူ​မူ​ကား၊ ဘု​ရား​သ​ခင်​သည် အ​လင်း​ဖြစ်​တော်​မူ၏။ ဘု​ရား​သ​ခင်၌ မှောင်​မိုက်​အ​လျှင်း​မ​ရှိ။
ရှင်ယောဟန်သြဝါဒစာပထမစောင် ၁:၅