U Moses, U Jisu, bad ka Diengphna

U Blei u la Pyni ia Ngi ia ka Dur Bashisha jong ka Diengphna Lyngba U Moses

U Moses u dei ka dur jingiathuhlypa jong ka jingshisha ha U Jisu.
Ki Israel ki la jop ia ka thma ha Rephidim katba U Moses u rah shajrong ia la ki kti.
Kane ka dei ka jingiathuhlypa ba ki briew U Blei kin jop ia ka thma bakynja mynsiem pyrshah ia u Soitan naba la kyntiew ia U Jisu halor ka diengphna.
Haba ki Israel ki la shah puh da u seiñ ding bad bun na ki ki la iap, U Blei u la ong,
“To thaw ia me ia u seiñ ding bad to buh ruh ia u halor u dieng: ba uwei uwei baroh ia uba la puh, haba u la khmih ia u, un ioh im.”
La kumta ruh, ki la klet ia ka bor jong ki ktien U Blei kiba la pynim ia ki bad mane ia u seiñ rnong palat 800 snem. Kum ka jingmih, baroh ki la shah pynjot.
Kane ka long ka syrngiew kaba pyni ba ki briew mynta kin shah pynjot da kaba mane ia ka diengphna,
da kaba klet ia ka jutang bathymmai kaba U Khrist u la seng lyngba ka jingaiti ka jong U.

Ka Balang U Blei ka Bud ia ka Nuksa jong ka Balang Bamynshuwa

Kam dei ka mon U Blei ba ngi pynieng ia ki diengphna.
Sha ki Khristan bamynshuwa, ka diengphna kam long ei ei hynrei u dieng ba la tim ha kaba la sahnarphna ia U Jisu.

“Ka jingtim ia uta u briew ba thaw ia ka durblei ba la mut lane ba la saiñ, ka jingijli keiñ ha U Trai, ka kam jong ki kti u nongthaw stad, bad uba buh ia ka ha kaba rieh.” Bad uta u paidlang baroh kin iathuh kin ia ong ruh, “Amen.” Deuteronomi 27:15