मोशा, येशूज्यू र क्रूस

[मोशाद्वारा पहिल्यै देखाइएको क्रूसको साँचो पहिचान]

मोशा र येशूज्यूबीच अगमवाणी र अगमवाणीको पूर्णताको
सम्बन्ध रहेको छ । मोशाले आफ्नो हात उचालिराख्दा
इस्राएलीहरूले जितेको रपीदीमको युद्धचाहिँ
येशूज्यू क्रूसमा उचालिनुभई शैतानसँगको आत्मिक युद्धमा
विजयी हुनुहुने कुरासम्बन्धी अगमवाणी हो ।

विषालु सर्पको टोकाइद्वारा मर्न लागेका इस्राएलीहरूका निम्ति
परमेश्वरले भन्नुभयो, “तैंले विषालु सर्पको एउटा प्रतिमा बनाएर
त्यसलाई एउटा खामामा झुण्ड्या । सर्पले डसेकाहरूले
त्यसलाई हेरेपछि तिनीहरू बाँच्नेछन् ।” तैपनि इस्राएलीहरूले
परमेश्वरको वचनको शक्तिलाई बिर्सेर करीब ८०० वर्षभन्दा
बढी समयसम्म काँसाको सर्पलाई पुज्दै
परमेश्वरलाई क्रोधित तुल्याए ।

योचाहिँ, हिजोआज मानिसहरूले ख्रीष्टको बलिदानद्वारा
स्थापित नयाँ करारलाई बिर्सेर क्रूस पुजे भने तिनीहरू
नष्ट हुनेछन् भन्ने कुरालाई दर्शाउने छाया हो ।

[सुरुको मण्डलीको उदाहरणलाई पछ्याउने
परमेश्वरको मण्डली]

क्रूस खडा गर्नुचाहिँ परमेश्वरको इच्छा होइन ।
सुरुको मण्डलीका सन्तहरूको निम्ति क्रूसचाहिँ
येशूज्यूलाई टाँगिएको एउटा श्रापित काठबाहेक
अरू केही पनि थिएन ।

“कारीगरले बनाएको जस्तै आफूले खोपेको
वा ढालेको परमप्रभुलाई घिन लाग्ने मूर्ति
गुप्तमा स्थापना गर्ने मानिस श्रापित होस् ।”
तब सबै जनाले भनून्, “आमेन ।”
व्यवस्था २७:१५