ម៉ូសេ ព្រះយេស៊ូវ និងឈើឆ្កាង

[អត្តសញ្ញាណដ៏ពិតនៃឈើឆ្កាង ដែលព្រះបានបង្ហាញតាមរយៈម៉ូសេ]

ម៉ូសេ និងព្រះយេស៊ូវ មានទំនាក់ទំនងគ្នាជាទំនាយ និងការបំពេញទំនាយ​។
ពួកអ៊ីស្រាអែលបានឈ្នះចម្បាំងនៅរេផិឌីម ដោយសារម៉ូសេបានលើកដៃឡើង។
នេះគឺជាទំនាយថា រាស្រ្តរបស់ព្រះ នឹងឈ្នះចម្បាំងខាងវិញ្ញាណ ដែលប្រឆាំង
ទាស់នឹងអារក្សបាន កាលណាព្រះយេស៊ូវត្រូវលើកឡើងនៅលើឈើឆ្កាង។

នៅពេលជនជាតិអ៊ីស្រាអែលត្រូវពស់ភ្លើងចឹកស្លាប់ជាច្រើននាក់ ព្រះមានបន្ទូលថា
"ចូរធ្វើពស់ភ្លើង១ ភ្ជាប់នៅលើបង្គោលទៅ ដើម្បីកាលណាអស់អ្នកដែលត្រូវពស់ចឹក
គេក្រឡេកមើលទៅឃើញ នោះនឹងបានរស់នៅ"។ ទោះយ៉ាងណា ពួកគេបានភ្លេច
អំណាចនៃព្រះបន្ទូលព្រះ ដែលបានជួយសង្គ្រោះពួកគេ ហើយទៅគោរពពស់លង្ហិន
ទោះបានកន្លងហួស៨០០ឆ្នាំក៏ដោយ។ ជាលទ្ធផលពួកគេបានធ្វើឱ្យព្រះមាន
សេចក្តីក្រោធ។

នេះគឺជាស្រមោលដែលបង្ហាញថា មនុស្សសព្វថ្ងៃនេះ
នឹងត្រូវបំផ្លាញទៅ ដោយគោរពឈើឆ្កាង ដោយសារគេបានបំភ្លេចសញ្ញាថ្មី
ដែលព្រះគ្រីស្ទបានតាំងឡើង ដោយការបូជារបស់ទ្រង់។

[ពួកជំនុំនៃព្រះធ្វើតាមគម្រូរបស់ព្រះវិហារដើម]

ការតាំងឈើឆ្កាង មិនមែនជាព្រះហឫទ័យរបស់ព្រះទេ។
ចាប់ពីពួកគ្រីស្ទានដើមដំបូងម្ល៉េះ ឈើឆ្កាងមិនមែនជាអ្វីសោះ
គឺវាគ្រាន់តែជាដើមឈើដែលត្រូវបណ្តាសា ដែលបានឆ្កាងព្រះយេស៊ូវប៉ុណ្ណោះ។

ត្រូវ​បណ្តាសា​ហើយ អ្នក​ណា​ដែល​ឆ្លាក់ ឬ​សិត​ធ្វើ​រូប ដែល​ជា​ទី​ស្អប់​ខ្ពើម​
ដល់​ព្រះយេហូវ៉ា គឺ​ជា​របស់​ដែល​ដៃ​ជាង​ធ្វើ រួច​យក​ទៅ​ដាក់​នៅ​ទី​សំងាត់
នោះ​បណ្តាជន​ទាំងឡាយ​ត្រូវ​ឆ្លើយ​ឡើង​ថា អាម៉ែន
ចោទិយកថា ២៧:១៥