Butharnai eba Mwthangnai Sakmanwi
Wng Kha Chini Bwslai Se
Tumungno chwng kahamno sar khe,
chwng kubuino kaham bwthái’-no ranai,
tei tumung chwng hamyano sar khe,
chwng hamya bwthái’-no ma ranai.
Chwng a laibumano muitu khlainani nangnai
je jaga nokha bisi brwichi romwi hasing panthoro
kengainai Israilsarokno sokomorjak kha, tei chwrai
Daud, Sadrak, Mesak, tei Abednagosong khairokmung
bai kupulung bórokni poitoni kókthairokni
bising tẃi tongthokmung yapharwi Kaitor
bai kwbáng khe hamari rwjak kha.
Kaitorni Mothani Adongrok Langmani
Bwchlwirok, Borokrokno Mwthangjakmungo
Twithernai Kókthairokno Sarwi Tong Lai-o
Khristo Ahnsahnghong tei Ama Kaitorni
phrwngmani hai khe, Kaitorni Mothani
adongrok salbrúmno nogo, Motha-o, tei
hoda-o samung kaham tei kaham kókthairokni
bising tẃi khásrangmung tei chubamung yaphar lai-o.
Tini, poja hilik langma bai lengjak bororokno
Kaitorni mwthangjakmungni tongthothok kóthomano
sanani bagwi bórok phan rw súgwi bwskango thángwi
tongo, hai hwnwi sa khlaiwi, “Thwimung kwrwi eba tekto
eba bwsakrok sajakna nang ya chuknoha tongo hwnwi.”
“Borok kaham bwkha-o kaham chu-ui
tongmani aroni kaham tikhlai-o; borok
hamya ba hamya chu-ui tonmani aroni
hamya tikhlai-o. “Ang norokno o kók
sa-o: Jerani salo joto kók nang ya saui
phaimani aboni isap ma rw anw. Nwng
majra gwnang da majra kwrwi abo
nini kók bai’-no nwng manjak anw.”
Mathai 12:35-37
- আগের তারিখ
- 2024. 08. 09
- সহানুভূতি
- 0
