Ang Armas nga Makapatay o Makaluwas Mao ang Atong Dila
Kon kita magpugas og maayo, kita makaani gayod og maayong mga resulta, ug kon kita magpugas og daotan, kita makaani og daotang mga resulta.
Kinahanglan natong hinumdoman ang kasaysayan diin ang mga Israelita, nga nagreklamo didto sa disyerto sulod sa kwarenta ka tuig, gilaglag, ug ang batan-ong David, Shadrach, Meshach, ug Abednego gipanalanginan pag-ayo sa Dios pinaagi sa paghalad og kalipay sa ilang mga pulong sa pagtuo nga puno sa grasya.
Ang mga Miyembro sa Church of God Nagpugas sa mga Binhi sa Kinabuhi, Mga Pulong nga Motultol sa Katawhan ngadto sa Kaluwasan
Subay sa mga pagtulon-an ni Cristo Ahnsahnghong ug sa Dios Inahan, ang mga miyembro sa Church of God kanunayng naghatag og kahupayan ug suporta pinaagi sa maayong mga buhat ug mahiyasong mga pulong sa panimalay, sa Simbahan, ug sa katilingban.
Karong adlawa, sila kusog nga nagmartsa sa unahan aron ipaambit ang malipayong balita sa kaluwasan sa Dios niadtong gikapoy sa mabug-at nga kinabuhi, nagmantala nga, “Adunay gingharian sa langit diin wala nay kamatayon o pag-antos o kasakit.”
‘Ang maayong tawo magsultig maayo gikan sa mga maayong butang nga anaa sa iyang kasingkasing. Ang tawong daotan magsultig daotan gikan sa mga butang nga daotan nga anaa sa iyang kasingkasing.
“Sultihan ko kamo nga sa Adlaw sa Paghukom, ang matag usa ka tawo mohatag unya ug husay sa matag walay pulos nga pulong nga iyang gisulti.
Kay ang inyong mga pulong mao usab unya ang gamiton sa paghukom kaninyo aron maila kon kamo sad-an ba o dili.”
Matthew 12:35–37
- Post Date
- 2024. 08. 09
- Emotion
- 10
