ລະບຽບການຂອງເມນຄີເສເດັກ ແລະ ປະໂລຫິດໃຫຍ່

[ພະເຢຊູຄິດ ຊົງ​ເປັນ​ປະໂລຫິດໃຫຍ່ ​ຜູ້​ທີ່​ປະກອບພິທີ​ການ​ຖວາຍ
ເຄື່ອງຖວາຍບູຊາແຫ່ງຄໍາໝັ້ນ​ສັນ​ຍາ​ໃໝ່ ​ຕາມລະບຽບການ​ຂອງ​ເມນ​ຄີ​ເສ​ເດັກ]

ເຫດຜົນ​ທີ່​ພະ​ເຢຊູ​ກາຍ​ເປັນ​ປະໂລຫິດໃຫຍ່​ຕະຫຼອດ​ໄປ ​ຕາມລະບຽບການ​ຂອງ​ເມນ​ຄີ​ເສ​ເດັກ​
ເພາະ​ວ່າ ​ໃນ​ສະໄໝ​ນີ້​ກໍ​ມີ​ປັດສະຄາ​ແຫ່ງ​ຄໍາໝັ້ນສັນຍາ​ໃໝ່ ​ທີ່​ພະອົງ​ຊົງຕ້ອງ​ດໍາເນີນການ​ໃນ​ຖານະ​ປະໂລຫິດ.
ດັ່ງທີ່ເມນຄີເສເດັກໄດ້ອວຍພອນອັບລາຮາມ ດ້ວຍເຂົ້າຈີ່ກັບເຫຼົ້າອະງຸ່ນໃນສະໄໝພັນທະສັນຍາເດີມ,
ພະເຢຊູກໍໄດ້ຊົງປະທານພະພອນແຫ່ງຊີວິດນິລັນແກ່ມະນຸດຊາດ ດ້ວຍເຂົ້າຈີ່ກັບເຫຼົ້າອະງຸ່ນ.

[ບັນດາສະມາຊິກຂອງ​ຄິດສະຕະຈັກຂອງພະເຈົ້າ ​ໄດ້​ປະ​ຕິ​ບັດ​ຕາມ​​ທາງ​ຂອງ​ພະຄິດ ພະອັນຊັງໂຮງ,
ຜູ້ຊົງສະເດັດ​ມາ​ຕາມ​ລະບຽບການ​ຂອງ​ເມນ​ຄີ​ເສ​ເດັກ]

ດັ່ງທີ່ພະເຢຊູ ຄື ພະຄິດ ພະອັນຊັງໂຮງ ຜູ້ຊົງສະເດັດມາເທື່ອທີສອງ
ໄດ້ຊົງເຮັດໜ້າທີ່ເປັນປະໂລຫິດໃຫຍ່ ຕາມລະບຽບການຂອງເມນຄີເສເດັກ
ໂດຍຊົງປະທານພະພອນແຫ່ງຊີວິດນິລັນ ດ້ວຍເຂົ້າຈີ່ກັບເຫຼົ້າອະງຸ່ນປັດສະຄາແຫ່ງຄໍາໝັ້ນສັນຍາໃໝ່.
ໃນສະໄໝນີ້, ພຽງແຕ່ບັນດາຜູ້ທີ່ຕິດຕາມລະບຽບການຂອງເມນຄີເສເດັກແຫ່ງຄໍາໝັ້ນສັນຍາໃໝ່, ບໍ່ແມ່ນຕາມລະບຽບການຂອງອາໂລນ ໃນພັນທະສັນຍາເດີມ ຈຶ່ງສາມາດກາຍເປັນລູກແຫ່ງພະສັນຍາ ຜູ້ທີ່ສືບທອດພະສັນຍາຂອງພະເຈົ້າ.

ສໍາລັບພວກທີ່ຕ້ອງໄດ້ຮັບຕາມທີ່ພະອົງໄດ້ສັນຍາໄວ້ນັ້ນ ພະເຈົ້າຢາກຊີ້ໃຫ້ຮູ້ຢ່າງຈະແຈ້ງຕື່ມອີກວ່າ ພະອົງຈະບໍ່ປ່ຽນແປງຄວາມປະສົງຂອງພະອົງຈັກເທື່ອ; ດັ່ງນັ້ນ ພະອົງຈຶ່ງຕື່ມຄໍາສາບານຂອງພະອົງ ເຂົ້າໃສ່ຄໍາສັນຍາ...
ພະເຢຊູໄດ້ເຂົ້າໄປໃນສະຖານທີ່ນັ້ນກ່ອນແທນພວກເຮົາແລ້ວ ແລະ ພະອົງກໍໄດ້
ເປັນປະໂລຫິດໃຫຍ່ຕະຫຼອດໄປ ຕາມລະບຽບການຂອງເມນຄີເສເດັກ.
[ເຮັບເລີ 6:17-20]

ຄວາມເລິກລັບນັ້ນຄືວ່າ: ໂດຍເລື່ອງຂ່າວປະເສີດ ຄົນບໍ່ເປັນຢິວມີສ່ວນກັບຄົນຢິວໃນພອນທັງຫຼາຍ;
ເຂົາເປັນອະໄວຍະວະສ່ວນຕ່າງໆໃນຮ່າງກາຍອັນດຽວກັນ ແລະ ມີສ່ວນໃນຄໍາສັນຍາທີ່ພະເຈົ້າໄດ້ເຮັດໄວ້ໂດຍທາງພະເຢຊູຄິດ.
[ເອເຟໂຊ 3:6]