မေလခိဇေဒက်၏အရိုက်အရာနှင့် ယဇ်ပုရောဟိတ်မင်း

[မေလခိဇေဒက်၏အရိုက်အရာအားဖြင့် ပဋိညာဉ်တရားသစ်ယဇ်ပူဇော်ခြင်းကို ဦးဆောင်သော ယဇ်ပုရောဟိတ်မင်းဖြစ်သော ယေရှုခရစ်တော်]

ယေရှုခရစ်တော်က “မေလခိဇေဒက်နည်းတူ ထာဝရယဇ်ပုရောဟိတ်မင်း ဖြစ်သည်”လို့ မိန့်တော်မူထားတာကတော့ ဒီခေတ်မှာလည်း ယဇ်ပုရောဟိတ်တစ်ယောက်အနေနဲ့ ဦးဆောင်ရမယ့် ပဋိညာဉ်တရားသစ် ပသခါပွဲ ရှိတဲ့အတွက်ဖြစ်ပါတယ်။ ဓမ္မဟောင်းခေတ်မှာ မေလခိဇေဒက်က မုန့်နဲ့ စပျစ်ရည်အားဖြင့် အာဗြဟံကို ကောင်းချီးပေးခဲ့သလိုမျိုး ယေရှုခရစ်တော်ကလည်း မုန့်နဲ့ စပျစ်ရည်ကို ယူဆောင်လာပြီး လူသားတွေဆီ ထာဝရအသက်ကောင်းချီးကို ခွင့်ပြုတော်မူခဲ့ပါတယ်။

[မေလခိဇေဒက်၏အရိုက်အရာအတိုင်း ကြွလာတော်မူသော ခရစ်တော်အန်ဆန်ဟုန်း၏လမ်းကို လိုက်လျှောက်ကြသော ဘုရားသခင်၏အသင်းတော် သန့်ရှင်းသူများ]

ပထမအကြိမ်ကြွလာတော်မူတဲ့ ယေရှုခရစ်တော်လိုမျိုး၊ ဒုတိယအကြိမ်ကြွလာတော်မူတဲ့ ခရစ်တော်အန်ဆန်ဟုန်းလည်း မေလခိဇေဒက်ရဲ့အရိုက်အရာကို လိုက်ပြီး ယဇ်ပုရောဟိတ်မင်းအဖြစ် ပဋိညာဉ်တရားသစ် ပသခါပွဲရဲ့ မုန့်နဲ့ စပျစ်ရည်အားဖြင့် ထာဝရအသက်ကောင်းချီးကို ခွင့်ပြုတော်မူခဲ့ပါတယ်။ ဒီခေတ်မှာ ပဋိညာဉ်တရားဟောင်းဖြစ်တဲ့ အာရုန်ရဲ့အရိုက်အရာ မဟုတ်ဘဲ ပဋိညာဉ်တရားသစ်ဖြစ်တဲ့ မေလခိဇေဒက်ရဲ့အရိုက်အရာကို လိုက်မှပဲ ဘုရားသခင်ရဲ့ကတိတော်ကို အမွေအဖြစ် ရရှိတဲ့ ကတိတော်နဲ့စပ်ဆိုင်တဲ့သားသမီးတွေ ဖြစ်နိုင်ပါတယ်။

ထို​ကြောင့်၊ က​တိ​တော်​ကို အ​မွေ​ခံ​ရ​သော​သူ​တို့​သည်၊ ဘု​ရား​သ​ခင်၏ အ​ကြံ​အ​စည်​တော် မ​ဖောက်​ပြန်​နိုင်​ကြောင်း​ကို အ​တပ်​သိ​စေ​ခြင်း​ငှာ၊ ဘု​ရား​သ​ခင်​သည် အ​ကျိန်​အား​ဖြင့် အာ​မ​ခံ​တော်​မူ၏။ . . . မေ​လ​ခိ​ဇေ​ဒက်​နည်း​တူ ထာ​ဝ​ရ​ယဇ်​ပု​ရော​ဟိတ်​မင်း​ဖြစ်​သော ယေ​ရှု​သည်၊ ငါ​တို့​အ​တွက်၊ ထို​အ​တွင်း​အ​ရပ်​ထဲ​သို့ ရှေ့​ဆောင်၍​ဝင်​သော​သူ ဖြစ်​တော်​မူ၏။
ဟေဗြဲသြဝါဒစာ ၆:၁၇-၂၀

ထို​နက်​နဲ​သော​အ​ရာ​ဟူ​မူကား၊ တစ်​ပါး​အ​မျိုး​သား​တို့​သည် ဧ​ဝံ​ဂေ​လိ​တ​ရား​အား​ဖြင့် ယု​ဒ​လူ​မျိုး​တို့​နှင့်​အ​တူ အ​မွေ​ခံ၍၊ တစ်​လုံး​တစ်​ဝ တစ်​ကိုယ်​တည်း​ဖြစ်​လျက်၊ ခ​ရစ်​တော်​နှင့်​ဆိုင်​သော​က​တိ​တော်​ကို ဆက်​ဆံ​ရ​ကြ​သ​တည်း။
ဧဖက်သြဝါဒစာ ၃:၆