Ko e ‘Alunga ʻo Melekisēteki & ko e Taulaʻeiki Lahi

Ko Sīsū Kalaisi ʻa e Taulaʻeiki Lahi ʻOku Ne Fakahoko ʻa e Feilaulau
‘o e Fuakava Foʻou ʻi he ‘Alunga ʻo Melekisēteki

Ko e ʻuhinga naʻe hoko ai ʻa Sīsū ko e Taulaʻeiki Lahi ʻo taʻengata
ʻi he ‘alunga ʻo Melekisēteki koeʻuhi, ʻi he kuonga ko ʻeni, ʻoku ʻi ai
foki mo e Pāsova ʻo e fuakava foʻou kuopau ke Ne fakahoko ko e
Taulaʻeiki. Hangē pē ko hono tāpuakiʻi ʻe Melekisēteki ʻa ʻĒpalahame
ʻaki ʻa e mā mo e uaine ʻi he kuonga ʻo e Fuakava Motuʻa, naʻe foaki
ʻe Sīsū ki he faʻahinga ʻo e tangata ʻa e tāpuaki ʻo e moʻui taʻengata
ʻo fakafou ʻi he mā mo e uaine.

ʻOku Muimui ʻa e Kāingalotu ʻo e Siasi ʻo e ʻOtua ʻi he Hala
ʻo Kalaisi Ahnsahnghong, ʻa ia Naʻe Haʻu ʻi he ‘Alunga ʻo
Melekisēteki.

Hangē ko Sīsū, ko e Hāʻele ʻAngaua Mai ʻa Kalaisi Ahnsahnghong naʻe toe
hoko foki ia ko e Taulaʻeiki Lahi ʻi he ‘alunga ʻo Melekisēteki, ʻo foaki ʻa e
tāpuaki ʻo e moʻui taʻengata fakafou ʻi he mā mo e uaine ʻo e Pāsova ʻo e
fuakava foʻou. ʻI he kuonga ko ʻeni՛, ko kinautolu pē ʻoku muimui ki he
tuʻutuʻuni ʻa Melekisēteki ʻo e fuakava foʻou՛, ʻo ʻikai ko e ʻalunga ‘o
ʻĒlone mei he fuakava motuʻa՛, ʻe lava ke nau hoko ko e fānau ʻo e
talaʻofa ʻoku nau maʻu ʻa e talaʻofa ʻa e ʻOtua՛.

Ko ia, ko e ‘Otua, ‘i he‘ene finangalo ke ‘āsili hā ki he ngaahi
‘ea ‘o e tala‘ofa hono ta‘eliliu ‘o ‘Ene tu‘utu‘uni, ko ia na‘a ne
fakamamafa ‘aki ha lea tukupa: . . .
‘a ia kuo hū ki ai ‘a Sīsū ma‘atautolu, ko hotau Takilele,
he‘ene hoko ko e Taula‘eiki Lahi ‘i he ‘alunga ‘o Melekiseteki,
‘o laui ‘ītāniti.
Hepelū 6:17–20

‘[A] ia ko e pehē, ‘Oku kaungā ‘ea mo kimautolu ‘a e Senitaile,
mo kaungā sino, mo kaungā kau ‘i he Tala‘ofa, ‘o tu‘unga ‘ia Kalaisi
Sīsū, pea foua ‘i he Kōsipeli.
ʻEfesō 3:6