Salmon Á-ni Langmani Bising Tẃi Kaitor Bórorokno Phrwngmani A Nangkukmani Srwngmung Tamo?
Salmon á twijlango tongwi tongo tei aboni yagulo khe bwtẃi tẃinani bagwi bórokni achaimani jaga-o kiphilwi thángo. A tangraida-o, salmon, cháyaui bini tongrwkmani phannno samungo phangwi tektono sóimani hai kheno, chwngbo haino, chwng o swngcharo srwngmani chini bebak a loi hamyarokno tei tongmung hamyarokno khibiui kwtal khe achaimani a tektono kwplai wngnani nangnai tei Apha bai Ama tongmani chini a mol brúmni chuknohani nogo kiphilwi thángnani bagwi kaphranani nangnai.
Kaitorni Mothani Adongrok Swngchar Gwnangwi, “Amani Hamjakmungni Kóktháino,” Srwng Lai-o.
O jora-o, Baibelo kók diyari sasokjakmani hai kheno bebak dopharok Chuknohani Ama Jerusalemni khája-o birwi phai phuru, Kaitorni Mothani adongrok je phuru phano “Amani Hamjakmungni kóktháirokno” srwng lai-o Bini prwngmungrokni mote khe, bórokni samung kahamrokni bising tẃi khe Chuknohani Ama Jerusalemni chẃngsachano swngchar gwnangwi phunugwi.
O swngcharni tongmung chámung bai ta tong di, tamo khe Kaitorno norokni bwkha kwtal khlai rwui tongmung kwtal tong di. Hakhe Kaitor tamo nai abo norok saui man anw bubo ba kaham, bubo ba bo hamjak, bubo ba sói, abo saui man anw. Rum 12:2
Sicha di, pohor wng di; tamni hwn khe nini pohor sók phai kha. Tei Subraiyungni chẃngsacha nini saka-o kasa kha. Tamni hwn khe nai di, mwnakma hano tei belai mwnak kosong lukurokno kolop bai kha; phiya ba, nini saka-o Subraiyung kasanai, nini saka-o Subraiyungni chẃngsacha nukjaknai. Hakhe dopharok nini pohoro phai bainai, tei habugrarok bo nini pohoro phai lainai. Jisaia 60:1–3
- আগের তারিখ
- May 17, 2026
- সহানুভূতি
- 0
