ဓမ္မဟောင်းခေတ်၏ အဦးသီးသောအသီးပွဲနှင့် ထမြောက်ပွဲ

အဦးသီးသောအသီးပွဲသည် ယေရှုခရစ်တော်၏ ရှင်ပြန်ထမြောက်ခြင်းကို ထုတ်ဖော်ရန် တည်ထောင်ခဲ့ခြင်းဖြစ်သည်

ဣသရေလလူမျိုးတွေ ပင်လယ်နီထဲ ဝင်ရောက်ခြင်းဟာ ယေရှုခရစ်တော် သင်္ချိုင်းဂူထဲ ဝင်ခြင်းကို ကိုယ်စားပြုပြီး၊ ဣသရေလလူမျိုးတွေ ပင်လယ်နီကနေ ကုန်ပေါ်တက်တဲ့နေ့ဟာ ယေရှုခရစ် ရှင်ပြန်ထမြောက်မယ့် ကြိုတင်ဟောစကားဖြစ်ပါတယ်။
ဒီအရာကို ကျွန်တော်တို့မမေ့အောင် ဘုရားသခင်ဟာ ဓမ္မဟောင်းခေတ်မှာ အဦးသီးသောအသီးပွဲကို တည်ထောင်တော်မူခဲ့ပါတယ်။

ကနဦးအသင်းတော်လိုမျိုး၊ ထမြောက်ပွဲ၊ မျှော်လင့်ခြင်းရဲ့ပွဲတော်ကို ဘုရားသခင်၏အသင်းတော် မိသားစုဝင်တွေရဲ့ နှလုံးသားထဲမှာ ထုထွင်းထားပါတယ်။

ဓမ္မဟောင်းကျမ်းမှာ အဦးသီးသောအသီးပွဲကို ပသခါပွဲနဲ့ အဇုမပွဲပြီးနောက် ပထမဆုံးလာတဲ့ တနင်္ဂနွေနေ့မှာ စောင့်ရှောက်ခဲ့သလိုမျိုး အိပ်ပျော်နေတဲ့သူတွေထဲမှာ အဦးသီးဖြစ်တော်မူတဲ့ ယေရှုခရစ်ရဲ့ ရှင်ပြန်ထမြောက်ခြင်းဟာလည်း တနင်္ဂနွေနေ့မှာ ဖြစ်ပျက်ခဲ့ပါတယ်။
ရလဒ်အနေနဲ့ ကနဦးအသင်းတော် သန့်ရှင်းသူတွေဟာ သူတို့သေသွားရင်တောင် တစ်ဖန်အသက်ရှင်အုံးမယ်ဆိုတဲ့ ယုံကြည်ခြင်းကို ကိုင်ဆောင်လာခဲ့ကြပြီး သူတို့ဟာ ဘုရားသခင်ရဲ့ဘက်မှာ ရပ်တည်ပြီး ကယ်တင်ခြင်းရဲ့သတင်းကို ဟောပြောရာမှာ ပျော်ရွှင်မှုကို အမြဲတမ်း ရှာတွေ့ခဲ့ကြပါတယ်။

ယ​ခု​မူ​ကား၊ ခ​ရစ်​တော်​သည် သေ​ခြင်း​မှ ထ​မြောက်​တော်​မူ၍၊ အိပ်​ပျော်​သော​သူ​တို့​တွင် အ​ဦး​သီး​သော​အ​သီး ဖြစ်​တော်​မူ​ပြီ။
၁ ကောရိန်သုသြဝါဒစာပထမစောင် ၁၅:၂၀

ထို​အ​ခါ ဗိ​မာန်​တော်၏ ကု​လား​ကာ​သည် အ​ထက်​စွန်း​မှ​အောက်​စွန်း​တိုင်​အောင် စုတ်​ကွဲ​လေ၏။ မြေ​ကြီး လှုပ်​လေ၏။ ကျောက်​များ​တို့​သည်​ကွဲ​ပြား​ကြ၏။
သင်္ချိုင်း​တွင်း​တို့​သည် ပွင့်​လစ်​သ​ဖြင့် ကျိန်း​စက်​လျက်​ရှိ​သော သန့်​ရှင်း​သူ​တို့၏ အ​လောင်း​များ​စွာ​တို့​သည် ထ​ကြ၍၊
ကိုယ်​တော် ထ​မြောက်​တော်​မူ​သည်​နောက်၊ ထို​သူ​တို့​သည် သင်္ချိုင်း​တွင်း​မှ​ထွက်၍ သန့်​ရှင်း​သော​မြို့​ထဲ​သို့ ဝင်​ပြီး​လျှင်၊ လူ​များ​စွာ​တို့​အား ထင်​ရှား​ကြ၏။
ရှင်မဿဲခရစ်ဝင် ၂၇:၅၁-၅၃