Swmai Kwchamni Tháiskangni Sal tei Thangwi Bachamani Sal

Tháiskangni Sal Wng Kha Jisu Khristo
Thangwi Bachamano Phunuknani
bagwi se Songchajago

Israilsarok Twijlang Kwchago hapmani abo
Jisu mangkhoro hapmano se sulchajago,
Israilsarok Twijlangni Kwchakni ayang
ha kwranno sógwi mani wng kha Jisu
thangwi bachamani kók diyari se.
Kaitor Tháiskangni Salno Swmai Kwchammo
songcha kha hakhe chwng o samungno pok ya
wngna tẃi khe.

Swkangni Mothani hai khe, a Thangwi Bachamani Sal,
Khátungmungni Ter, Wng Kha Kaitorni Mothani
Adongrokni KHá rogo Chopjak Kha

Tháiskangni Sal puilani Kóktisalo Yókma Ter
tei Auang Bángla Terno rwgwi tẃijakma hai
Swmai Kwchammo, Jisu thangwi bachamani,
Bó wng kha mwthangwi tisajaknai kwthwirokni
bere tháiskangni bwthái, bo haino Kóktisalo wng kha.
Aboni bagwino, swkangni Mothani kwthar bororok
bórok thwi phano, bórok haino hai thang phinai
hwnwi puitu tẃiwi tonglai-o, tei bórok je phuru
phano mwthangmungni kóktwmarok pír thani
khátungmung manno, Kaitorni ayango khe
bachaui.

Kók kubui khe omo,
Khristo kwthwini mwthangwi tisajak kha,
mwthangwi tisajaknai kwthwirokni
bere bo wng kha tháiskangni bwthái.
1 Korinth 15:20

Aphuru noktharni rí swngjak yaphang
buchuk khaknwi khe kichigwi tháng kha;
ha kwlwi kha,
holongdaprok pekhak bai kha, mangkhorrok phiyokjak kha,
hakhe aswk thwiwi thángnai Kaitorni bororok
mwthangwi tisajak bai kha.
Bórok mangkhorni ongkhorwi tháng bai kha;
Jisu thangwi bachama ulo bórok taun kwtharo habwi tháng kha,
hakhe borok kwbángma bórokno nuk bai kha.
Mathai 27:51-53