Ang Adlaw sa Unang mga Bunga sa Daang Kasabotan ug ang Adlaw sa Pagkabanhaw

Ang Adlaw sa Unang mga Bunga Gitukod aron Ipadayag ang Pagkabanhaw ni Jesu-Cristo

Ang mga Israelinhon nga misulod sa Pulang Dagat nagrepresentar kang Jesus nga misulod sa lubnganan, ug ang mga Israelinhon nga midunggo gikan sa Pulang Dagat mao’y usa ka propesiya sa pagkabanhaw ni Jesus. Gitukod sa Dios ang Adlaw sa Unang mga Bunga sa Daang Kasabotan aron dili nato makalimtan kini nga buhat.

Sama sa Unang Simbahan, ang Adlaw sa Pagkabanhaw, ang Kasaulogan sa Paglaom, Gikulit diha sa mga kasingkasing sa mga miyembro sa Church of God

Sama nga ang Adlaw sa Unang mga Bunga gisaulog sa unang Domingo human sa Pagsaylo ug sa Kasaulogan sa Pan nga Walay Patubo sa Daang Kasabotan, ang pagkabanhaw ni Jesus, kinsa mao ang unang bunga niadtong nangatulog, nahitabo usab sa Domingo. Isip resulta, ang mga balaan sa unang Simbahan midawat sa pagtuo nga bisan og sila mamatay, sila mabuhi pag-usab, ug sila kanunay nga nakakaplag og kalipay sa pagsangyaw sa balita sa kaluwasan, nga nagbarug sa kiliran sa Dios.

Apan ang tinuod mao nga gibanhaw si Cristo isip garantiya nga kadtong nangamatay banhawon usab.
1 Corinthians 15:20

Unya ang tabil sa Templo nagisi gikan sa taas ngadto sa ubos. Nauyog ang yuta ug nangapikas ang mga bato.
Ang mga lubnganan nangaabli ug daghan sa nangamatay na nga katawhan sa Dios ang nangabanhaw
ug nanggula sa ilang lubnganan. Miadto sila sa Balaang Siyudad human mabanhaw si Jesus ug didto nakit-an sila sa daghang mga tawo.
Matthew 27:51–53