Ang Biblia, nga Gidasig sa Dios nga isulat sa mga propeta pinaagi sa Espiritu Santo
Ang mga propeta nga nagsulat sa Biblia nagpuyo sa lain-laing mga panahon ug adunay lain-laing mga trabaho ug lain-laing mga personalidad, apan gidasig sa Espiritu Santo sa Dios, sila nagbilin ug makanunayong mga propesiya, naglamdag kanato mahitungod sa “nganong ang katawhan mianhi dinhi sa kalibotan ug asa kita paingon.”
Ang mga miyembro sa Church of God mituo nga ang Biblia kay kamatuoran ug pulong sa Dios
Tungod kay ang Biblia tinuod man, kinahanglang motuo kita sa mga propesiya mahitungod kang Cristo Ahnsahnghong ug Dios Inahan. Ang basahon ni Isaias nagpropesiya mahitungod sa pag-antus ni Jesus 700 ka tuig sa wala pa ang Iyang pag-anhi, ug ang basahon ni Job nagtala sa water cycle ug sa kamatuoran nga ang kalibotan gibitay sa kawanangan 3,500 ka tuig kanhi, mga kamatuoran nga nadiskobrehan lamang sa siyensya sa ika-17 nga siglo.
Ang tibuok Kasulatan gisulat uban sa lamdag gikan sa Dios ug mapuslanon alang sa pagtudlo sa kamatuoran, sa pagbadlong, sa pagsaway ug sa pagtudlo unsaon pagkinabuhi nga matarong. Sa ingon, ang nag-alagad sa Dios masangkap pag-ayo ug maandam sa tanang maayong buhat.
2 Timothy 3:16–17
Gihikyad sa Dios ang amihanang langit ug gibitay niya ang kalibotan sa kawanangan.
Job 26:7
- Post Date
- 2025. 03. 28
- Emotion
- 4
