Ïa ka Hukum U Blei La Ñiew kum Kaei Kaei Kaba Khyllah

Ka Daw U Blei u la Seng ia ki Hukum, ki Aiñ, bad ki Jingbishar

Ka hukum jong ka kper Eden, ka hukum jong ka jutang barim,
bad ka hukum jong ka jutang bathymmai ba la seng da U Jisu la buh baroh da U Blei Elohim
ban ai ka burom bad ka jingkmen baitynnad ia u khun bynriew ha ka lawei.
Mynta ka sngi, U Blei u hikai ia ngi lyngba shibun ki nongïathuhlypa, kynthup ia u Daniel u nongïathuhlypa,
ba kaba phai noh na ki hukum bad ki aiñ U Blei la ñiew
kum ka jingpalat hukum, kaba sniew, bad kaba leh pyrshah.

Balei ka Balang U Blei ka Sumar ia ka Hukum ka Jutang Bathymmai
Kum ka Sabbaton bad Ka Niam Ka Jinglait?

Ki dkhot jong ka Balang U Blei ki mutdak ha ka dohnud jong ki ia ki jinghikai jong U Khrist Ahnsahnghong bad Ka Blei Ka Kmie, kiba la bthah ia ki ban ym leh lyndet wat ia ka jinghikai ka barit tam jong U Blei, hynrei, ban leh katkum ka Baibl.
Naba U Jisu u la seng ia ka hukum jong ka jutang bathymmai, bad U la ai ruh ka rukom ban sumar ia ka, ki rakhe ia ki hynñiew tylli ki jingkhawai niam ha ki lai sien, kynthup ia ka Sabbaton bad Ka Niam Ka Jinglait.

“ ‘Bad un kren ki ktien kiba pyrshah ïa U Bahakhlieh Tam Eh . . . ban pynkylla ïa ki por bad ïa ka hukum . . .
Hynrei, kata ka jingbishar kan long, bad kin shim noh ïa ka jingsynshar jong u, ban pynduh bad ban pynjot ïa ka haduh ka bakut.
Te ïa kata ka hima bad ïa ka jingsynshar, bad ïa ka jingkhraw jong kita ki hima hapoh ka bneng baroh,
yn aiti noh ha ki briew jong kita ki riewkhuid ki jong U Bahakhlieh Tam Eh: ka hima jong u ka long ka hima bymjukut . . .’ ”
Daniel 7:25–27

“La nga thoh ha u ïa ka aiñ jong nga ha ki shiphew hajar ki hukum, ïa ki, la ñiew kum kaei kaei kaba khyllah.”
Hosia 8:12