မိမိတို့နှင့် မစပ်ဆိုင်ဟု ထင်မှတ်ခြင်းခံရသော ဘုရားသခင်၏ပညတ်တော်

[ဘုရားသခင်က ပညတ်တော်၊ စည်းမျဉ်းနှင့် ဥပဒေများကို တည်ထောင်ရသည့် အကြောင်းရင်း]

ဧဒင်ဥယျာဉ်ထဲကပညတ်၊ ပဋိညာဉ်တရားဟောင်းပညတ်၊ ယေရှုခရစ်တော်တည်ထောင်ပေးတော်မူတဲ့ ပဋိညာဉ်တရားသစ်ပညတ် စတဲ့ ပညတ်အားလုံးဟာ ဘုရားသခင်က လူသားတွေရဲ့ အနာဂတ်မှာ တောက်ပတဲ့ဘုန်းတော်နဲ့ ပျော်ရွှင်မှုပေးဖို့ တည်ထောင်ပေးခဲ့တာဖြစ်ပြီး ဘုရားသခင်ရဲ့ပညတ်တော်နဲ့ စည်းမျဉ်းတွေကို စွန့်ခွာတာဟာ အဓမ္မအမှုဖြစ်ပြီး ဆိုးညစ်တဲ့အကျင့်နဲ့ ပုန်ကန်ခြင်း ဖြစ်တယ်လို့ ပရောဖက်ဒံယေလအပါအဝင် ပရောဖက်များစွာကတစ်ဆင့် ဒီနေ့ခေတ်မှာ ကျွန်တော်တို့ကို ပြောပြနေပါတယ်။

[ဘုရားသခင်၏အသင်းတော်သည် ဥပုသ်နေ့နှင့် ပသခါပွဲ စသည့် ပဋိညာဉ်တရားသစ်ပညတ်ကို အဘယ်ကြောင့် စောင့်ရှောက်ပါသနည်း။]

ဘုရားသခင်၏အသင်းတော်က သန့်ရှင်းသူတွေဟာ ဘုရားသခင်ရဲ့သင်ကြားမှုဆိုရင် အသေးငယ်ဆုံးအရာ တစ်ခုကိုတောင် မလွတ်စေဘဲ ကျမ်းစာအတိုင်း လိုက်လျှောက်ဖို့ မိန့်တော်မူတဲ့ ခရစ်တော်အန်ဆန်ဟုန်းနဲ့ အမေဘုရားသခင်ရဲ့ သင်ကြားမှုကို စိတ်နှလုံးထဲမှာ ထုထွင်းထားပါတယ်။ ယေရှုခရစ်တော်က တည်ထောင်တော်မူပြီး စောင့်ရှောက်တဲ့ပုံသက်သေကိုပါ ကိုယ်တိုင်ပြပေးတော်မူတဲ့ ပဋိညာဉ်တရားသစ်ပညတ်တွေဖြစ်တဲ့အတွက် ဥပုသ်နေ့၊ ပသခါပွဲနဲ့ သုံးပိုင်းခွဲထားတဲ့ ပွဲတော်ခုနစ်ခုကို ဒီနေ့ခေတ်မှာလည်း သန့်ရှင်းစွာ စောင့်ရှောက်နေကြပါတယ်။

အ​မြင့်​ဆုံး​သော​ဘု​ရား​ကို ဆန့်​ကျင်​ဘက်​ပြု၍၊ . . . ကာ​လ​အ​ချိန်​နှင့် ပ​ညတ်​တ​ရား​တို့​ကို ပြောင်း​လဲ​စေ​ခြင်း​ငှာ ကြံ​စည်​လိမ့်​မည်။ . . . ထို​နောက်​မှ တ​ရား​စီ​ရင်​ခြင်း ဖြစ်​လိမ့်​မည်။ ထို​အ​ခါ သူ၏​တန်​ခိုး​အာ​ဏာ​ကို​နုတ်၍ ရှင်း​ရှင်း ဖျက်​ဆီး​ကြ​လိမ့်​မည်။ ကောင်း​ကင်​အောက်၌ နိုင်​ငံ​နှင့်​တ​ကွ အာ​ဏာ​စက် ဘုန်း​တန်​ခိုး​ရှိ​သ​မျှ​ကို အ​မြင့်​ဆုံး​သော​ဘု​ရား၏ သန့်​ရှင်း​သော​အ​မျိုး​သား​တို့​သည် ရ​ကြ​လိမ့်​မည်။ ထို​ဘု​ရား​သ​ခင်၏ နိုင်​ငံ​တော်​သည် ထာ​ဝ​ရ​နိုင်​ငံ​ဖြစ်၏။ . . .
ဒံယေလအနာဂတ္တိကျမ်း ၇:၂၅-၂၇

ငါ​သည် သူ​တို့​အဖို့ ပညတ်ချက်​များ​ကို ထောင်သောင်း​မက ရေး​ပေး​သော်လည်း သူ​တို့​နှင့်​မစပ်ဆိုင်​ဟု ထင်မှတ်​ကြ​၏​။
ဟောရှေအနာဂတ္တိကျမ်း ၈:၁၂