O le Tulafono a le Atua & Fua o Mafaufauga

Na Faatuina e le Atua le Tulafono mo le
Lumanaʻi Fiafia o Tagata

Afai tatou te talitonu i le talalelei o le feagaiga
fou, malamalama sao i le tulafono a le Atua, ma
tausia, e mafai ona tatou maua le ola e faavavau,
avea ma perisitua tautupu, ma mautofi i le malo o le Atua.
E le gata i lea, o le tulafono a le Atua o le a
taitai atu ai i tatou ia Keriso Ahnsahnghong ma
Ierusalema Fou Tina Faalelagi, e taitaia i tatou i
le faaolataga e faavavau.

O le Mafuaaga e Tausia ai e Tagata o le Ekalesia
a le Atua le Feagaiga Fou, le Tulafono a Keriso,
ma o Latou Loto Atoa

Ua ta’u mai e perofeta, e aofia ai ma Isaia, o le
talitonuga “E le manaomia ona tatou tausia le
tulafono a le Atua” na iu ina taitai atu ai i le tele
o mala i le lalolagi. O i latou e tausia le tulafono
a le Atua e pei ona faatonuina o le a maua le
olioli, fiafia, ma le filemu, ae o i latou e teena
le tulafono a le Atua o le a fetaiai ma mala ma
malaia o fua ia o o latou mafaufauga.

O lenei, ina faalogologo mai ia outou nuu ese, ia outou
iloa foi o outou le faapotopotoga, le mea e ia te i latou.
Le lalolagi e, ina faalogologo mai ia, faauta, o a‘u nei
ou te faaooina atu le malaia i lenei nuu, o le fua o latou
lava mafaufauga, auā ua latou le faalogo i a‘u upu; o la‘u
tulafono foi ua latou lafoaiina lea.
Ieremia 6:18–19

[E] ia te outou foi o e puapuagaina, o le mapusaga faatasi
ma i matou, pe a faaalia le Alii o Iesu mai le lagi, faatasi ma
agelu o lona malosi, i le afi mumū,
na te taui ma sui i e ua le iloa le Atua, ma ua le anaana i le
tala lelei a lo tatou Alii o Iesu Keriso;
2 Tesalonia 1:7–8