Bu Motha Kaitorni Khulumungni Salno Yakarwi, Sal-mwtaino khulum?
Soitan Kaitorni bororokno chuknohani o ha-o rwkhlaiui rohornani bagwi bandi kha tei jate bórok jesa khe phano chuknoha-o kiphilwi thángwi man ya wngnani bagwi bandiui’-no tongo.
Aboni bagwino, Kaitorni bororokno Bóno khulum thani-o bada khlainani bagwi bó Sabat sal tei Yókma Terno sokomorwi pái kha, hakhe Kaitorni noktharo Kóktisalni lobmung hai tei Khristmas hai a sal-mwtaino khulumani radarokno tubui phai kha.
Kaitorni Motha Kaitor bai Chongjakmani Khulumungni Salrok, a Sabat sal tei Yókma Terno Khá Bai Khuk Bai kheno Tẃi-o.
Elia Kaitorno yapharmani khulumungni bising tẃi khe khorok 850 diyari phatrarokno mechen kha, tei Jisubo haino “Nini Kaitor Subraino simi se suriui khulum di,” hwnwi samani a kóktháirok bai khe Soitanno kwplai wng kha. Phola Kwtharni molo, Khristo Ahnsahnghong tei Ama Kaitor swmai kwtalno tẃima bai, chwng sumsokrokni nakarmung mannani bagwi tei mol brúmni chuknoha-o khiphilwi manna bagwi chwng Kaitorno simi khulumwi mano hwnwi chwngno phrwng kha.
“Nwng Ijipsarok bórokni ha-o khlai tẃi ta khlai di, nwng tongbumani a hani tongmung chámungrok hai khe ta tong di; tei ang nono ha Kanano tlangwi tongmani a hani borokrokni tongmung chámung hai khe bo ta tong di; Ang sama tẃi khe nwng tong di tei a raidarokno rákhogwi tong di; . . . abono khnanai borok’-no thangnai; ang se Subraiyung.” Lebi 18:3-5
- আগের তারিখ
- 2025. 08. 22
- সহানুভূতি
- 0
